المسافر المحتاس
5يوم تبي تشوف فيها كل شي صعبة شوي لأن المدة ما تكفي
و بالنسبة لفنادق الثلاث نجوم انا راح اجيب لك فنادق 5 نجوم بأسعار 3 نجوم
البرنامج اللي اقترحه عليك اذا كنت تحب كثرة التنقل
ماربيا 3 أيام
غرناطة يومين
قرطبة يوم واحد
اشبيلية يومين
مدريد يومين
سان سيباستيان يومين
برشلونة 3 أيام
الرحلة تبدأ من ماربيا و تنتهي في برشلونة
الخطوط : السويسرية - الفرنسية - بي دي - اللفتهانزا
الرحلة كلها بالقطار
اما الجزر فأفضل جزر ممكن تزورها هي الكناري في هذا الوقت لكن ما أعتقد ان الوقت يكفي و خصوصا انك تبي تجمع بين الآثار و الطبيعة و الثلوج و الجزر
الأجواء شديدة البرودة في شمال اسبانيا و باردة في الجنوب
و يالله عطني اقتراحاتك بخصوص الفنادق

مشكور على الرد
اولا بخصوص الخطوط انا شفت الخطوط التركية وتنزلنا على برشلونة دايركت وسعرها مناسبني
بس كيف انت شايفها؟؟؟
انا ماودي اقعد في برشلونة يعني اخليها نقطة الوصول والمغادرة فقط
وفي فكري اني يادوب اريح يوم في برشلونه وبعدها اطلع بالعبارة الى جزر الكناري نقيم في جزر الكنناري لمدة 4 ايام
وبعدها نرجع برشلونة علشان ننطلق الى ملقا ونزور فيها قرطبة واشبيلية وغرناطة لمدة 4
وهذا اللي عندي بس انا سمعت عن اندورا في الشمال اقدر اروحها
وبعدين منطقة سان سباستيان وين هي بالضبط؟؟ وايش اللي يميزها
مارديت بالنسبة لمبلغ السفرية يكفي 25 الف؟؟؟
واذا طولنا المدة راح تكفينا الفلوس
بصراحة لقيت فندق في ملقا اسمه new hotel
وفي ماربيا Marbella Inn Centre
هذا اذ زرتها
ويعطيك العافية

المسافر المحتاس
شوف من ناحية جزر الكناري فحلاوتها انك تروح لها و تجلس فيها اسبوع علشان تتنقل بين اكثر من جزيرة
و اندورا راح تكون كلها ثلوج و التزلج على الثلوج
اما سان سيباستيان فبإمكانك الدخول على موضوع (( المدينة الإرستقراطية ... جنة الله في أوروبا )) و هو موضوع مثبت
و التكلفة راح تكفي إن شاء الله إذا انها اسبوعين
اما بالنسبة لمدينة ملقا فالأفضل لك هو السكن في بنا المدينة او ماربيا
ماربيا الفنادق اللي انصحك فيها هي
الفويرتي 4 نجوم و سعره ب 50 يورو تقريبا و هو فندق ممتاز على البحر و امام وسط البلد القديم
فندق قوادالبين بانوس و هو في البورت بانوس على البحر مباشرة و هو 5 نجوم و يعتبر من افضل فنادق ماربيا على الإطلاق و سعره حوالي 100 يورو
اما في بنا المدينة فهناك فندق تورّي كيبيرادا و سعره ب 100 و هو 5 نجوم و هوافضل فندق في بنا المدينة
اما في جزر الكناري فالأفضل هو السكن في (( البويرتو دي لا كروث )) و فيه فندق هناك روعة اسمه
BOTANICO

مشكور يا ابو الشباب والله يعطيك العافية
وانا راح اضبط اوضاعي والتخطيط الاخير ونعتمد رايك فيه

ايش رايك في فكرتي
اني اسافر من جدة بالطيران التركي الى مدريد واقعد فيها 3 ايام ومنها الى ماربيا واقعد فيها 4 ايام ازور (غرناطة واشبيليه وقرطبة)
وبعدين اروح الى جزر الكناري واقعد فيها 6 ايام
ومنها الى برشلونة واقعد فيها 2 ايم وارجع على جدة منها .
مناسب كذا ولا هجولة .؟؟؟؟
طيب اذا وافقتني في شوري كيف اتنقل من ( مدريد ___> ماربيا)
و من (ماربيا ___> جزر الكناري)
ومن ( الكناري ___> برشلونة)
وفي رايك استاجر سيارة في منطقة ماربيا علشان ازور المناطق القريبة منها؟؟؟
وبشكل تقريبي كم تكون تكلفة التنقلات بين المدن ؟؟
واذا اخذت فنادق تتراوح اسعارها بين 50 الى 100 يورو تقضي الميزانية اللي انا واضعها 25 الف لكل شي؟؟؟
والله اني مستحي منك بس انت تعتبر كنز سعودي بصراحة في السياحة
و تعرف مزاجنا وتدلنا باقصر الطرق علشان كذا شابطين فيك
والدوة لك بالتوفيق قليلة عليك لكن ماعندنا غير الله يحقق لك اللي تتمناه.

المسافر المحتاس
أعتقد ان الخطة مناسبة
6 أيام في جزر الكناري
3 أيام في مدريد
يومين في برشلونة
4 أيام في ماربيا
و الأفضل أنك تخليها 5 أيام في ماربيا و يومين في مدريد لأنه ما راح يمديك تزور قرطبة و غرناطة و اشبيلية في 4 ايام و خصوصا انك ما راح توفي ماربيا و ملقا و بنا المدينة حقها
و السيارة في ماربيا ضرورية
و الإنتقال من مدريد إلى ماربيا راح يكون بالطائرة او القطار (( انت تدور حجز طيران من هنا))
ماربيا إلى جزر الكناري بالطائرة لأنك لو رحت بالعبارة راح يروح عليك وقت طويل و انت في البحر
و كذلك الحال من الكناري إلى برشلونة بالطائرة

توكلنا على الله
يصير
برشلونة 2
مدريد 2
ماربيا 5
الكناري 6
ايش الافضل اخلي مدريد او برشلونة نقطة المغادرة والوصول صح انه يعتمد على الطيارة بس اذا
كان في مجال للاختيار؟؟
طيب ممكن اذا مافي كلافة تعطيني فنادق لكل منطقة ؟؟؟
واسعار الطيران هناك للتنقل بين المدن
واي طيران استخدم ؟؟؟
ومارديت على طيران الخطوط التركية ..............اخذها او لا؟؟

مشكور يا الغالي
الحين انا رسيت على
برشلونة 2
مدريد 2
ماربيا 5
الكناري 6
بخصوص الفنادق ايش رايك في
Arc la Rambla في برشلونة
Hotel Asturias في مدريد
Hotel San Cristobal في ماربيا
وجزر الكناري الفندق اللي قلته ياريت تعطيني موقعه على النت علشان اشوفه
وكم سعره؟؟
طيب الحين من وين ابدا الرحلة
اذا كانت الخطوط التركية تنزلني مدريد ؟؟
او اذا نزلتني برشلونة؟؟
وكيف اسعر الطيران في داخل اسبانيا وايش الخطوط اللي احجز عليها؟؟