فيه أسواق فخمة وغاليه مثل سيام باراقون وسنترال وورلد اتمشيه فيها متعه بس بدون تبضع
وفيه أقل منها مثل ام بي كي وتوكيو وغيرها كثير فيها أشياء حلوه للشراء
وهذي كلها قريبه من بعضها
وفيه الشعبي ع الآخر مثل النايت بازار وهذا بعيد عنها شويه
يعني انت وميزانيتك
وبالسلامه

حلا دشي تقريري الفنتازيا ... وشوفي بنفسك المولات
( صور - عناوين - خرايط )

سوديرمان
مشكور اخوي يعني ودي برخيص وغالي بس مو مرة

ام منوره
اختي ام منور
انا شفتها بس ابي المهمة والتي تستحق الزيارة يعني ويش الأسواق القريبة من فندق بايكو سكاي ويش البعيد الذي يحتاج تاكس او السكاي او التك تك عشان اعرف شرقي من غربي

هلا اختي حلا الشريف
من اقرب المراكز الي حول الفندق بيكونن على شارع البراتونام الرئيسي كاتالي :
1- براتونام ماركت
2- براتونام بلاتينيوم (أفضلهم)
3- كومبليكس
4- بانتيب بلازا (للكمبيوترات ومستلزماتها)
مع العلم ان في كشكات تبيع بأسعار رخيصه على نفس الشارع وخلف فندق اماري وترجيت من جهة اليمين
وبنسبه للابعد شوي كاتالي :
1- سنترال جيت لوم افضل مركز من وجهة نظري لبيع ملابس الاطفال الراقيه (الدور السادس)
2- السنترال ورد
3- سيام باراغون
4- سيام سنتر
5- سيام ديسكوفري
6- ام بي كي (طوكيو)
7- روبنسون

بوشمسه
ياهلا والله بأخوي بوشمسه
كفيت وفيت الصراحة انت فاهم انا ويش ابي والأخوان الأعضاء والله ما قصرو
ما اقول غير جزاك الله خير