ارنوما هوتيل
Arnoma Hotel Bangkok
فندق 2 نجمتين وفي مواقع معطيته 3 نجوم
هذي صور واقعيه من تصوير زوار الفندق
موقعه
اغلب اللي اسكنوه معطينه علامه وحده كتقيم من خمسه ... نعم الفندق مقابل سنترال وولد بلازا
وملاصق ل big c وقريب من باقي المولات ... وهي منطقه مزدحمه
Ambassador Hotel Bangkok
امبسيدور هوتيل فندق مواقع تعطيه 3 نجوم وفي مواقع تعطيه 4 نجوم بعد التجديد اللي صار
في بعض الاجنحه والغرف ...
هذا موقعه
موقعه حلو ... لاهو لزيج نانا و لاهو بعيد وايد عنها ... بس للمولات تحتاج التاكسي ...
كتقيم معطينه الزوار من خمسه ... النتايج متفاوته ... اللي علامه كامله واللي 3 نقاط ... يعني مو واضح
بس للعلم انا سكنته 5 مرات ... وهالسنه السادسه اذا ربي كتب ...
مالقيت صور كثيره من تصوير الزوار ...
الفندق وايد كبير وفيه كذا مبنى .... هذا اللي تشوفه البرج ... واغلب الغرف اللي فيه تم تجديدها
اذا تحب ممكن تحجز فيه غرفتين بينهم باب ... وحرص على المكتب انه يحجزلك الغرف المجدده و المطله
على البوابه الرئيسيه + دور عالي ... لان المنظر مو طبيعي
اللوبي وايد كبير ... وتعاملهم معاك جدا طيب
هذ كافيه مطل على حديقة طيور داخليه ... في الفندق
الفندق شرح فيه كذا مطعم خارجي وداخلي ... له اكثر من مدخل ومخرج - له مجمع تجاري خاص فيه
له سوبر ماركت ملاصق فيه + محلات مجوهرات + خياطين + 3 مطاعم للافطار + مكتب شحن
اتمنى ردي مايكون فيه تحيز ... والاختيار لك اكيد ....

أرنوما هوتيل أقرب الى المجمعات التجارية بس يعتبر فندق عادي
أمباسدور هوتيل أنظف من أرنوما ولكن قريب من المطاعم العربية وبعيد من المجمعات التجارية

لي سؤال لو سمحت متى تم تجديد الغرف وبأي مبنى هل بالقديم أوبالتاور(الأمباسادور)
وكيف الواحد يضمن أن الغرفة راح تكون من الغرف المجددة(ودي أسكن فيه هالسنة) أخر مرة كانت عام 2002

bangkok1985
يعطيك العافيه اخوي
انا بصراحه السنه اللي فاتت كنت هناك وبالتحديد شهر 7 وكان الفندق لازال في عمل التجديد والصيانه
ولكن في اجنحه وغرف تم تجديدها والسيياح يحجزون في الغرف المجدده وعاملين حاجز بين اللي مجديديينه واللي بعده واهم الان كل الغرف يبون يجدودونها انا سألتهم العام وقالو التجديد راح يشمل الفندق كله
وبصراحه ارف رائعه والفطور رائع بعد وفندق هادي
ومع هذا انت يوم اللي تبي تحجز ركز على الغرف المجدده
وشكرا لك

bangkok1985
بداية التجديد كانت بالتور ... واللي عرفته من موقع الفندق الرسمي ... وهالكلام شهر 3 اللي طاف
انه في تجديدات في مبنى الغرف الرئيسية ... وراح تنتهي باخر شهر 5 ... يعني المفروض
الحين انتهت ....
اذا عندك مكتب تحجز منه وتثق فيه ... خل يحجزلك ... بس اشرط عليه انه يرسل لهم ايميل
قبل ... يتاكد بان نوع الغرفه مجدده
المكان حلو وشرح وامان لاخر درجه .... ويصلح للعوايل

مشكورين وجزاكم الله كل خير على المعلومات المفيده