نشر في الرياض

اهل الرياض عاجل تكفون

مسافروراحل

30-07-2022 - 03:11 pm

السلام عليكم ورحمة الله وبركاته
ياشباب ودي بثريات للبيت جديد وفرحان فيه
وسمعت ان فيه شارع حول الملز كل المحلات الي عليه محلات كهرباء وثريات فالرجاء منكم تدلوني عليه
بدايه الوصف من الدائري الشرقي مخرج 15

التعليقات (2)

الزعيم

30-07-2022 - 06:30 pm

اهلين .. اخوي مسافر وراحل ..
قصدك المحلات الي في شارع الكهرباء ..
وصفة .. وانت جاي من مخرج 15 ووجهك متجه للغرب والدائري وراك .. وعلى يمينك .. اسواق المجد .. روح على طول ..
الين يجيك إشارة .. كمل معاها ويبي يصير على يسارك .. نفق .. انت خلك على نفس الخط الي يجيك .. مخرج للطريق الرئيسي .. ( فتحة على اليسار ) ادخل معها .. وامش على طول الين تجيك اشارة .. ( تسمى إشارة مكافحة المخدارت ) روح على طول " تحصل مكافحة المخدرات " على يسارك .. روح على طول .. الين تجيك إشارة ثانية .. روح يسار معها .. وفية طريقين طريق الرئيسي .. وطريق الخدمة .. خلك انت مع الخدمة وامش الين تجيك محطة بنزين ..
كمل يجي مسجد .. بعدها داخل الحارة مو واضح مرة .. كمل .. الين يجيك شارع كبيير منور .. ادخل معة .. هذا هو الشارع الي انت تبي ..
وإن شاء الله اني وصفت لك زين .. وواضح وصفي ..
اخوك الزعيم ..

ابو صبا

30-07-2022 - 07:31 pm

بعد أذن اخوي الزعيم هناك وصف آخر :
من الدائري الشرقي وأنت متجه للخرج مخرج 16 تاخذ معه يمين باتجاه الغرب وعلى طول تتعدى الأشارة الأولى وتاخذ الخدمة ومن عند الأشارة التالية تاخذ يمين ومسافة 500 متر تقابلك أشارة خذ يمين تلقى نفسك في شارع الكهرباء والمحلات على يمينك ويسارك وعلى فكرة هذا الشارع أسمه شارع الأمير عبدالله ( الأمير عبدالله بن عبدالمحسن ) ولا زال معروفاً إلى اليوم بأسم شارع الأمير عبدالله بالملز .

الرياض المسافرون العرب

اهل الرياض عاجل تكفون