طيف الاحزان
23-04-2022 - 12:47 am
مساء الخير
قبل ان ابداء موضوعي احببت ان اشكر القائمين على هذا المنتدى الرائع
واحببت ان اشكر الاعضاء الكرام الذين سيتحملون مشقة الرد على اسئلتي
والحين ندخل بالموضوع ونترك العرربيه الفصحى
بصراحه احنا كنا مفكرين في اثينا هذا الصيف
بس اثينا خوفتني اولا مالقيت عنها مواضيع وتقارير ونزلت موضوع وماحد رد علي
ولاني شفت تقرير اخونا الامير فاقترحت اننا نغير الى النمسا
بس عندي كم سؤال
اولا ايش رايكم فينا كم يكفيها يوم علما باننا مانقدر نجلس اقل من 5 ايام
وايش الفنادق الي تنصحوني فيها ,,؟ ايش رايك بالهوليدي ان جنوب فينا,,؟ وهل فيه شقق 5 نجوم وجنب الاماكن السياحيه
ثانيا قريت بتقرير واحد من الاخوان نسيته يارب انه يعذرني
ان السكن في كابرون ارخص من زي لام سي وانها ماتبعد عنها شي
ايش رايكم بهالنصيحه
علما بان احنا نبحث عن نظافه 100% وسعة صدر وسعر رخيص
وهو ذكر شقق بموضوعه وتطلع علينا 130 يورو باليوم وانا اعتبره مبلغ لقطه
ثالثا كيف التنقل من فينا الى الكابرون والقطارات هل هي مريحه
ورابعا اقدر استاجر سياره بسواقها والا بس سياره بدون سواق
وكيف الوصف هناك والدلوله
هل هي سهله والا معقده
وبكم اسعار السيارات تقريبا
وخامسا ازوج ميونخ والا ماتنصحوني ,,؟ وعندكم اسماء شقق في ميونخ اقدر اسكنها
اخونا الامير حاط شقه شكلها من بره حلوه بس ماصورها من داخل وفيه فنادق حلوه وموقعها متميز واسعارها معقوله
الله يعطيكم العافيه كثرت عليكم بالاسئله
بس اول مره ازور النمسا وودي تكون الرحله كاامله زي رحلاتي السابقه الي اعتمدت بعد الله على اعضاء العرب المسافرون
