1. السلام عليكم ورجمة الله وبركاته

السلام عليكم ورجمة الله وبركاته

راح اسافر لاوروبا بتاريخ 1-7 الي 16-7 وناي استأجر سياره فلما رحت لمكتب شركة ايفيس قالي السعر 500 دينار سياره عاديه مع تأمين ضد الغير اتوماتيك مع مكيف والكيلو متر غير محدود ومكتب شركة يورو كار عطاني نفس المواصفات ب 495 دينار ولما شبكت عن طريق النت لقيت السعر غالي عكس الكلام اللي سمعته لانه السياره اللي ابيها اوتوماتك وكانت بفئة Stander لان ما اعرف اسوق السياره بناقل حركة يدوي وكانت الاسعار بالنسبه لناقل الحركة اليدوي ارخيصه جدا مقارنه مع سعر الاوتوماتك علي النت ففكرة اني احجز السياره عن طريق المطار لما اوصل بس خفت اني ما احصل اوتوماتك بسعر اقتصادي ويجبروني اخذ فئة السيارات الفخمة لانها تتوفر فيها ناقل الحركة الاتوماتيكي .. وبجذي راح ادفع تقريبا ضعف المبلغ اللي حصلته بالكويت لانه لما شيك بالنت الاسعار كانت من 700 وطالع
استفساراتي :-
1- هل موجوده سياره بغيار اوتوماتيك بالفئة الاقتصادية ؟ واذا كانت موجوده ليش ما طلعت لي بالنت !
2- قريت عن طريق كذا موضوع انه في ناس تأجرلك سياره بسعر ارخيص توصلها لك للمكان اللي تبيه من هم ؟ وهل أقدر اضمنهم ؟
3- بلغوني اصحاب الشركة بأنه اذا استأجرت السياره من ميونخ تطلع ارخيصه وفعلا كان السعر خيالي نفس المواصفات اللي ذكرتها ب 229 دينار وما اقدر استأجرها من هناك لعدة اسباب منها اني صدرت تذاكري وما اقدر اكنسلها وميونخ مو على خط سيري لانه راح اقعد بفينا 4 ايام وبعدها فينيسيا 4 ايام وبعدها زل ام سي 10 ايام هل عندكم حل ؟
4- اذا استلمت سياره هل راح يحجزون مبلغ من بطاقة الفيزا وجم راح يكون هذا المبلغ وهم بعد الفنادق هل يحجزون وهي AM parkring hotel بفيينا The Hilton Molino Stucky فينيسيا Grand Hotel Zell am See زل ام سي لانه سافرت لبنان 2010 واحجزو مبلغ 1000 دولار وكذلك الفندق حجز مبلغ 1000 دولار يعني تقريبا 600 دينار ومثل ما انتوا عارفين 600 دينار مبلغ مو بسيط وراح يأثر على الميزانية
5- اذا عندكم شي يفيدني لا تبخلون علي