algassemzz
26-11-2022 - 07:37 pm
ان شاءالله رحلتي حق بينانج بكرا الساعه التاسعه والنصف صباحاً
شباب بصراحه للحين مادري وين اروح لذلك ما استغني عنكم ابد وتعمدت انزل الموضوع الحين عشان اذا وصلت بينانج بالسلامه ان شاءالله افتح المووضوع واقرى اقتراحاتكم لي
وين اروح في بينانج؟وهل مصنع الشوكولاته والقهوه اهو نفسه اللي في كوالالمبور في الطريق الى جنتنج؟
وتقبلوا مني اطيب التحايا
بينانج جميلة جداً عندك :
شاطيء باتو فرنجي من بعد العصر إلى المغرب نشاطات بحرية جميلة
وأيضاً ممكن تأخذ جولة بحرية ساعة ونص ب 150 رنقت قارب خاص ممتع جداً خاصة لو الجو حلو
عندك أيضاً حديقة البهارات جميلة جداً شلالات ونباتات جميلة
مصنع القهوة لا يفوتك تجرب عندهم تتذوق 10 أنواع من القهوة وأطعمها القهوة البيضاء رهيبة لاتفوتك
تستاهل الشراء ومناسبة جداً للهدايا وبجنب مصنع القهوة يوجد مصنع الشكولاته بجنب بعض وهم مش مصانع
هم في الحقيقة محلات بس تابعين للمصانع يعني ما أحد يبيع هذي المنتجات إلا هم وأفضل من محلات كوالا بكثير
وعندك أيضاً هضبة بينانج حلوة .. السوق الليلي قريب من الفندق إذا ساكن في باتو فرنجي بس أنا ماعجبني هذا السوق
عندك مجموعة مراكز تجارية حلوة فيها مطاعم وكافيهات .. إضافة إلى الحدائق التقليدية مثل حديقة الفراشات والزهور وغيرها
تمنياتي لك بأيام سعيدة في ربوع بينانج