السلام عليكم يا أخ نور البدر
ممكن تحصل الي تطلب من درعات و ملابس و بخو رو أشياء وايد في منطقة نايف في دبي حسث ان الأسعار هنال رخيصة و يمكن تحصل فيه كل التباه بأرخص الأسعار و شكرأ

قبل شهر كنت بدبي
واحسن مكان مثل ماقال اخ عجيل
هو سوق نايف
بس الله يعين المدام !!
احنا شباب وتعبنا
من الحر .. لان المكان مفتوح
وم الزحمه .. لانك راح تلاقي نفسك .. انك العربي الوحيد انت وزوجتك
اجانب بشكل مخيف .. واذا بغيت تطلع من السوق راح تكره العافيه من الزحام
تحياتي لك

سوق نايف ...بس حر ورطوبه !! لانه مفتوح .....
شو يعني ملاعف؟

فيه سوق نايف بدبي
سوق شعبي مشهور تماما وهناك سوق مرشد كذلك وهو على مقربة منه
وهناك مركز رخيص باسعاره اسمه سنشري مول بدبي قريب من الملا بلازا
فيه بضاعة ممتازة باسعار جميلة وهناك دايما مهرجانات تسوق في الملا بلازا وهناك بضاعة باسعار ممتازة
اخوكم فيصل

الف الف شكر اخواني على الردوود الجميله

مرحبابك اخويه.
بالنسبه لدراعات الي احنا انسميهم الجلابيات في الإمارات بتلقاهم في سوق عكاظ قبل سوق نايف بشوي
وأسعارهم مختلفه من ال 30 درهم الى 300درهم..واشكال حلوه بس قد ماتقدر المدام تنزل في السعر.
وعندك السوق القديم إذا قدرت توصل امارة الشارجه,اسعاره معقوله وفيه كل الي طلبته . من دبي الى السوق القديم تقريبا ثلث ساعه.
بالنسبه لسناتر دبي.سيتي سنتر دبي اسعاره متنوعه بين الغالي الماركات.. والمعقول
لاتفكر ببرجمان ولا وافي لأنه أغلب المحلات ماركات.
ولاتنسى تاخذ جوله في مطاعم دبي مثل المرسى ومدينة جميرا والسناتر(ابن بطوطه)وغيره ولو انهم يومين
ورحله سعيده ان شاء الله

اعرف حرمة في جميرا تسوي دخون للشيوخ روعة والله اشتريت منه كم مرة