خجل امرأة @
11-10-2022 - 05:43 am
السلام اخواني اخواتي
حابه استفسر منكم بما اننا اول مره كان ودنا نسافر مدينة اوربية
عندي عدة اسئلة تحملوني لأني بصراحة مقهورة بس جالسة اقنع نفسي انه خير لي ع العموم
كنا بنسافر اليوم بالخطوط الامارتيه لكن اختي اللي بتمسك اولادي تعبت فاضطريت اكنسل السفرة
احنا من الخميس الغينا الحجوزات من المكتب السياحي لكنهم اخذوا غرامة علينا 300 لكل شخص من التذاكر والفنادق بيأخذوا 200 ريال بالنسبة لفنادق فينا وسالوبورغ اما جراند بزيلامسي رفض يرجع فلوسنا يعني خسرنا خمسة الاف واحنا م رحنا ولا حتى شفناها
سؤالي اذا بنأجل الرحلة يأجل لنا فندق قراند ولا ايه
هل ينفع اسافر باطفال سنة وسبعة شهور وخمس سنوات لان م عندي احد يمسكهم لي وانا ودي اغير جو نفسيا تعبانة
تكفون ردو علي
الله يعوض عليكم
وأسأل الله الكريم ان يريكم ماهو الشر الذي اذهبه عنكم
ليزداد ايمانكم وتقولون الحمدلله الذي اذهب عنا هذا
وان الله لايريد بعباده الا الخير
لكن للاسف نظرتنا قاصره
اما بعد
بالنسبة لفندق قراند
اذا كنت حاجزين عن طريق مكتب سياحي
تفاهمي مع المكتب ممكن تضبط امورك
اما اذا كان الحجز من النت
تفاهمي مع الموقع اللي حاجزه منه
مثلا بوكينج او غيره
لانهم يقدرون يغيرون الحجز حتى لو كان الالغاء غير مجاني
وكذا عضو في هذا المنتدى صارت معه
وبوكينج ضبطه
وبالنسبة للاطفال
الخمس سنوات ان شاء الله ماعندك مشكلة معه
اما سنه وسبع شهور
فيه بعض المخاوف
اولا تغير الجو بييأثر عليه
ثانيا النوم ماراح يخليك تنامين
ثالثا في هذا العمر تطلع له اسنان وذا الشي يرفع حرارته
رابعا بيتعبكم شوي في الشيل واذا تمشيتوا كثير بيتعب
يعني ماراح تاخذون راحتكم
بس هذا كله مايمنع انك تروحين فيه
السفر مع الاطفال له طعم مميز
بس تجهزي بالادويه
وحرصي عليه بالملابس
وان شاء الله من سافر مع اطفال يشارك ويفيدك اكثر
والله يوفقكم
والحمدلله على كل حال