1. مساء الخير للجميع

مساء الخير للجميع

حبيت اكتب هالموضوع اللي اتمنى ان يجد صداء في أنفسكم بالنسبة لمدينة الرياض ماتلاحظون ان اكثر المدن في المملكة سفر هم أهل الرياض. والسبب في اعتقادي يعود الى نقص الخدامات السياحية اللي من المفروض انها تكون بالمدينة فعدد سكان هالمدينة يبلغ أكثر من أربعة ملايين ونصف وتجد الخدامات السياحية فيها محدودة وكذلك الاستثمار في هالمدينة هو عبارة عن مجمعات تجارية فقط فكل خمسة شهور تقريبا تجد مجمع تجاري جديد فتح. الايوجد أستثمار الا في المجمعات التجارية رغم ان بعضها يخرب على الثاني وفي النهاية اللي خسران البلد لانة اذا فشل سوق يعني خسارة البلد لكم كبير من الملايين اللي بنيت بها هالاسواق. مافية استثمارات اخرى غير الاسواق مثل المصانع ومثل المنشآت السياحية عدد بسيط جدا من الملاهي موجود لايكفي لسد حاجة نصف سكان المدينة ولو ذهبت الى جدة لو جد اضعاف ماهو موجود في الرياض وعشان مايقولون مدينة ساحلية فالطائف مثلا يجود عدد كبيرا من المتزهات. كذلك العزاب مهمشين جدا في هالمدينة اما المطاعم مثل مطاعم البيك ممنوعة من دخول سوق الرياض ومطعم تشيلز أيضا دخل الرياض بعد معاناة مع المسؤولين رغم انة موجود في جدة والدمام من فترة طويلة وتوه يجي عندنا ؟؟؟؟؟؟ طيب لية فعلا شي غريب والحدائق غير نظيفة وتخجل من البقاء فيها وكل ورغم محدودية الترفية الا ان كل شي للعوائل؟؟؟؟ والمضحك المبكي مثلا حديقة الحيوانات اما للرجال او للنساء يعني عائلة اب وام واطفالهم مايروحون :112: ؟؟؟؟ الاجواء العائلية ممنوعة والشباب مرميين على الارصفة فقط او في مقاهي الشيشة مجبورين على شرب الارجيلة وحتى الارصفة ممنوعين من البقاء عليها ؟؟؟؟؟؟ والحياة العامة في المدينة مفقودة تماما لا نقل عام ولامترو ولا اندر جراوند ولاباصات ولا اسواق شعبية مفتوحة تستمتع فيها ولامهرجانات تسوق او سياحة او ايا كانت ولاترفيهة ولا مسابقات ومشاركات؟؟؟؟؟ كل مدينة او عاصمة بالعالم لها معالم وشي يميزها الا الرياض متميزة بان لاشي يميزها؟ هذا اخواني دعوة للمشاركة جميعا لطرح الاراء والافكار لعلها تصل الى من نريد او يطلع عليها احد مسؤولي المدينة .