محمد العزيييز
19-06-2022 - 07:05 am
اخواني واخواتي رواد بوابة تركيا كل عام وانتم بخير وصحه وسلامه
رجعنا والحمدلله من تركيا قبل ايام بس اكثر شي ضايقني بعد الرجعه فاتورة جوالي
مع اني مااستخدمته الا نادرا ولدقائق طيب نبهونا عشان نقفل الدولي مره وحده
انا اول مادخلت تركيا شريت شريحه ب18 ليره وشحنتها ب25 ليره واعتمدنا عليها وشحنا كم مره
لكن المفاجئه ان فاتورتي زادت الف ريال عن العاده مع اني اغلب الوقت مقفل الجوال
بس افتح الصباح دقائق لمتابعة رسائل موجود ورسائل اسهم من الاقتصاديه ورسائل دينيه كلها تجي بخدمة 12 ريال شهريا
وكنت قليلا ماافتحه لمكالمات طارئه ماتعدت خمس مكالمات وكل وحده بحدود خمس دقائق هذي قصتي مع الجوال والاتصالات الي نهبونا وش نسوي بس
طيب كيف الالف ريال في 25 يوم يعني الاتصالات تاخذ على الرسايل الدوريه ام 12 ريال شهريا خارج المملكه يمكن على كل رساله 12 ريال ولا شلون تحسبها معي شلون ولا انا غلطان ولا ايش فهموني
ارجوا من الاخوه الي رجعوا من رحلتهم يوضحون لنا كيف صارت فاتورتهم خاصه الي تجيهم رسايل دوريه من الاشتراكات مدفوعه مسبقا
ارجوالمشاركه من الجميع الله للفائده وان كان لنا حق للمطالبه به والله يسهلكم اموركم
قبل كم سنة اخذت الجوال حق الجزارين شركة الجوال الله لا يربحهم .
خلينا الحد الاعلى 500 ريال وخلصت علينا قلنا الحمد لله عرفنا ايش صرفنا .
رجعنا البلد الاقي الفاتورة 2000 ريال . طيب ليش زادت المبلغ هذا كله . تعرف طلعوا طيبين وغلابا .
قالوا ما قدرنا نقطع عليكم الخط وانتم في الغربة . وهنا يا الدفع يا القطع .