نشر في لندن

انفلونزا الخنازير والاندر قراوند

قطرية مسافرة

11-01-2022 - 11:06 am

السلام عليكم ورحمة الله وبركاته..
انا رايحه بعد اسبوع لندن باذن الله عندي دورة تدريبية وانا اقرا جدول الدورة اغلب تنقلنا راح يكون عن طريق الاندر القراوند وبصراحه خايفه جدا مع ظروف انتشار المرض..
من طلع المرض سافرت لاوروبا واسيا وحتى امريكا وماحسيت بوجوده وماصادني شي الحمدالله بس متخوفه من لندن من كثر اللي سمعناه ياليت تطمونني..
وشكرا

التعليقات (9)

AL-AMEED

11-01-2022 - 01:40 pm

اختي قطرية مسافرة انا جيت الاسبوع الماضي من لندن صدقيني الوضع جدا عادي هناك والله كنت استخدم الاندرجراوند بكثرة والله العظيم طول مدتي هناك ماشفت واحد حاط كمامة على الوجه.....الوضع جدا عادي فوق ماتتصورين بس اعلامنا الخليجي والعربي مضخم المسائلة..........سافري والله معك ان شاء الله

قطرية مسافرة

11-01-2022 - 02:41 pm

al-ameed
تسلم اخوي على الرد..انا توني راجعه من امريكا ومشيت في وسط زحمة مدينة نيويورك اللي الكل عارفها وماشفت احد حاط كمام والحمدالله ماجاني شي..بس لندن كثر عليها الكلام مادري ليش..جد طمنتني
تسلم مره ثانيه

أم الحنايا

11-01-2022 - 03:42 pm

أختي أنا كنت في الصيف في لندن ... والله كل شي عادي وماشفت حد حاط كمامة ... ورجعنا من لندن والحمد لله محد صابه شي ....

غلا الفهد

11-01-2022 - 04:43 pm

اختي الوضع عادي جدا ومطمن
انا كنت قبل اسبوع بلندن وتنقلاتي كلها بالاندرقرواند وبنتي الصغيرة معي
والحمد لله ماصار لنا اي شي والمكتوب بيصير توكلي على الله

معشوق اليمن

11-01-2022 - 05:44 pm

مرحبا اختي اتوكلي على الله وسافري
لان الوضع هنا عادي ويوميا اروح الجامعه بالاندرجراوند ولا حد هامه انفلونزا الخنازير
لانه قد تم الاعلان عن وجود الدوء لهذا الانفلونزا
توكلي على الله

thamerfaisal

11-01-2022 - 06:45 pm

أنا كنت مع شباب من كم اسبوع وواحد منهم جاته حراره بس مو قويه حول استدعينا دكتور للفندق خمس نجوم وعلى كلامه المرض منتشر بلندن وانه دائما يعالج حالات لنزلاء الفنادق..وانا شفت أشخاص من ربعنا لابسين اقنعه بالمطار زحمه..على العموم الحذر واجب والي مو مضطر نصيحه يأجل السفر

ماأحبكم

11-01-2022 - 07:46 pm

انا رجعت من ثلاث ايام وشكلها ضربت علي الباب بداية فلو يعني حراره وعطاس الله يستر ماصرت اطلع من البيت بس مامعاي تعب واجهاد على ماقالو ومارحت المستشفى جالسه اطبب نفسي بنفسي والله يستر لا تشتد علي

قطرية مسافرة

11-01-2022 - 08:47 pm

تسلمون على الردود تقريبا تطمنت بس مثل ماقلتوا الحذر واجب..
مااحبكم ..
لاتحاتي تغيير الجو في هالوقت سبب لك هالانفلونزا العاديه ..منتشره بكثره هاليومين
في داخلي احساس قوي يقولي انها هالمرض كلام فاضي
والله يستر علينا ويعدي هالزوبعة على خير

AHMAD598

11-01-2022 - 09:48 pm

والله ياختي القطرية انا اقولك ابتعدي عن الاندر قراوند سواء بمرض والا بدون مرض لانه مقرف والله لانه اول شي زحمة ثاني امراض ثالث مكتوم من داخل من كثر هالناس الي فيه انا رحت لندن وجربته مره جاني زكام وامراض غيرها وماطلعت من الفندق 3 ايام وانا انصحكبالباص او التاكسي واسكني عند الاماكن المشهوره ارخصلك اذا بتتنقلين بالتاكسي

لندن المسافرون العرب

انفلونزا الخنازير والاندر قراوند