السلام عليكم
بعد زياره قصيره لمنطقه كاسل
وبعد البحث بالانترنت ولم اجد طلبي كونت معلومات عامه
الرحله نهايه شهر 11 نوفمبر والقصد منها علاج
تم الاتفاق مع شخص لبناني يوصلني لكاسل بالسياره اخذت رقمه من الانترنت وهو من سكان مدينه دوسلدروف علما بان كاسل تبعد عن فرانكفورت 190 كيلو بالقطار
اول مانزلنا مطار فرانكفورت ضيعنا مكان الشنط؟؟؟؟؟؟؟؟؟؟؟؟؟؟؟؟؟؟؟؟؟؟
ياجمااعه وين
ياناس وين؟؟؟؟؟؟
اخيرا اكتشفنا ان تاخذ الشنط من فوق تصعد درج
وتم الامر والحمدلله
استقبلنا على حسب الاتفاق
اما بالنسبه للسكن حجزت في
فندق الموفنبيك غرفتين triple سعر الوحده 52 كويتي من سفريات تقولون ليش ماخذتي من الانترنت اقول لان مالقيت طلبي حاولت بس مالقيت
وصلنا بعد طريق ساعتين الحمدالله بالسلامه الاستقبال كان روعه الفندق مستواه حلو اربع نجوم كاسل مافيها فنادق 5 نجوم
الفندق بالسنتر مكانه روعه
انطباعي عن كاسل
اللي يعارضني هو حر انا اقول انطباعاتي
منطقه عاديه جدا مافيها سياحه الا قصر هرقل وكان مسكر ترميم

وهذا القصر نشوفه من فوق يعني اذا كنت عند هرقل تطل عليه
بينه وبين هذا القصر يقول المترجم فوق 2000 درجه من السلم
طبعا رحنا له بيوم ثاني بس الوقت كان متاخر ولقينا مسكر وصارت خيره لانه طلينا من داخل فيه تماثيل عاريه
الجو كان احيانا حلو الحراره بحدود 12 واحيانا برد توصل اربعه
اللي ساعد ومشى الوقت عندنا الكريسمس اكواخ بنوها بنص السنتر يبيعون فيها اشياء مختلفه
اللغه لا انجليزي ولا عربي
النقاب عادي جدا ماعدا الشياب عندهم عنصريه يتكلمون بنفس خايسه بس مادري شيقلون طبعا احنا
طاف
مافي شي اسمه تاكسي بالمنطقه الا طلب بالتليفون اذكر طلبنا من مكتب قال بعد نص ساعه يوصلكم
طبعا اكثر من ساعه ماوصل كنسلناه
اعتمادهم الكلي على الترام والباص ودايما زحمه
كثير كثير من الاتراك يعني في مطاعم تركيه حلال بس الله يزيد النعمه مو حلو
قابلنا تركي قال انا ان فيه مسجد اسمه ايا صوفيا منطقه تجمع مسلمين في الدور الثاني تلقى اتراك عندهم شقق للايجار طبعا انا احتفظت برقم هالشخص
الساعه 8 كل شي يسكر الا الاكواخ الكريسمس
اي سؤال او استفسار عن كاسل حاضرين للطيبين