اللهم وصلي على محمد وآله وصحبه أجمعين
1 _ مدة السفره تقريبا 17 يوم انشالله . قابله لزياده وانقص
المدة ممتازة للمدن المذكورة
2 _ المدن هي ( فينا - سلاسبورغ - كابرون - انسبروك - ميونخ )
مدن سياحيه جميله جداً وهي نفس مخطط رحلتي الماضية.
3_ التامين يااخواني انا عندي تامين الشركه اللي اشتغل فيها هل ينفع ولا لزم اني اسوي تامين من شركه ثانيه .
التأمين خاص لدول اوروبا إن كان يشمله تأمينك فلامانع ,وهذا يعود إلي شروط السفارة.
4_ حجوزات الفنادق شلون احجز يعني؟؟؟ اخاف ادفع دراهمي وتروح علي وانا ماني ناقص . بعدين الشركه اللي اشتغل بها عندها تخفيظ على بعض الفنادق في فينا وسلاسبورغ فقط ( انشالله اجيب اسماء الفنادق المره الجايه) وبعدها تفيدوني
تقدر تحجز عن طريق البوكنج افضل وسيلة ,ولكن سالفة دراهمك تروح ف مستحيل تروح دراهمك ان كان الموقع الي
حجزت منه موقع موثوق منه.
5_ السياره تنصحوني بها لاني انا رجال احب الريف كثير ولزم ولزم قهوتي العربيه تكون معي اذا طلعت بس مدري من الناحيه الاقتصاديه يفضل التوفير ههه
أنا من الناشطين السياحيين الي يأيدون فكرة استئجار السيارة في الأرياف ك سالزبرغ وزلامسي وانسبوك , ولايمنع تكون معك في ميونخ لزيارة الأرياف والتسوق في مدن الأوت لت.
6_ الدراهم كيف اجنيها ( يعني شلون اسحب دراهم هناك) يعني لو استخدم بطاقتي حقت الراجحي هناك تسحب عادي واموري زينه ولا لزم بطاقه ثانيه . تكفون فيدوني بالنقطه هذي كثير كثير .
الدراهم ياعزيزي خذها معك كاش للمصاريف , أما التأمين والمشتريات خذ معك بطاقه
ماستر كارد او فيزا او امريكان اكسبرس .
وأحرص أن تكون الماستر كارد مو المسبقة الدفع , لان المسبقة الدفع لاتصلح للتأمين على السيارة
وهناك أخوة صارت لهم مواقف مع بطاقه الراجحي وبطاقه البلاد والأهلي (طبعاً )المسبقه الدفع.
7_ فترة الزواج ( اووصص لحد يدري ) انشالله بعد رمضان السنه هذي تقريبا بعد 8 شهور متى انسب وقت اتحرك فيه عشان ابداء اجراءت السفر يعني من جوازات وامور السفارات والاشياء هذي وبعدين وش بطاقة الشنجن وش فايدتها وهي لزم لزم اطلعها ؟
أولاً الله يتمم لكم على خير ثانياً الحين يجب عليك البدء في استخراج الجوازات وبطاقه الفيزا او الماسترد كارد
بعدين في شهر خمسه الي شهر سبعه ابدأ في طلبات ااستخراج الفيزا الشنجن الي تخولك الدخول الي دول اوروبا , ولكن تستطيع الدخول الي اي دولة من دول اوروبا إلا بفيزا شنجن .
8_ جهاز الملاحه هل يمديني استغني عنه بالجوال الايفون لاني شغال عليه اناهينا بالسعوديه وما ادري هل ينفع هناك ولا لزم اني اشتري جهاز ملاحه .
برنامج الايفون يمشي هناك بس لازم تتأكد ان فيه خرائط اوروبا 2011 , ولايمنع انك تشتري واحد معك نوع نوفا760
راح يمشي وعلشان ما تطيح بمواقف محرجه.
9_الاغراض والهدايا اللي اشتريتها من هناك هل عليها جمركه ولا كيف لان اخاف اشتري هدايا بعدين يردونها يقولون خلها هنيا وانت رح .
تقدر تشتري ما تشاء وعند الشراء اطلب من المحل ان يعبي لك تاكس فري وعند مغادرتك الدوله في المطار فيه مكتبب لهم تسترد الضريبة الي اخذوها منك وتقدر تتطلع على فهرس تقريري تشوف كيفية استلام التاكس فري

مبروك مقدماً
والاخ إنسان ولهان ما قصر ,, لكن لي تعليق على استفسارك الثالث ,,, روح على شركة التأمين اللي معك بطاقتها ,, وقولهم أبغى خطاب التأمين الخاص بسالفة الشنقن ,, وما رح تدفع ولا ريال لأنك أساساً مأمن عندهم ,,, رح يعطوك خطاب بأن هذا التأمين كذا كذا كذا لثلاثين ألف يورو
وموفق

مبروك
اهتم جيدا في امر بطاقه الفيزا
انا حصلي موقف في فيزة الراجحي
انتبه..
لازم تكون البطاقه الكترونيه بارزه الاحرف والارقام
شوف الفرنسي اعتقد بطاقتهم ممتازه لاتحتاج حتى لتحويل راتب
اخوي خذا من عندهم والحمدلله مشت اموره
او روح للراجحي واطلب بطاقه فيزه وقول ابي الكترونيه وليست مطبوعه
لاتاخذ فيزه اللي تنشحن من رصيدك

الغالي انسان ولهان ماقصر ( كفى ووفى )
مداخلتي
أويد بشدة استئجار السيارة ( راحة - خصوصية - حرية )
حاول تحجز التذاكر من الآن لكي تحصل على سعر رخيص
زواج مبارك مقدما

1. تقرير ابداعي وسفره ممتعه ماشالله واكيد اني بستفيد منها كثير


2. لكن عندي بعض النقاط ودي اعلق عليها معكم واتناقش فيها

الله يعطيكم الف عاافيه ياخواني
يعطيك الف عافيه اخوي انساان ولهان ( ابو معن )
ويعطيك الف عافيه اخوي ( fatheroflions )
ويعطيك الف عافيه اخوي ( الريم )
ويعطيك الف عافيه اخوي ( Mr N )
الحقيقه كلكم ما قصرتوا ومنكم استفدنا....
طيب اخوي ابو معن ولا هانوا اخواني الباقين
انا الحقيقه ابحرت ويمكن اقولك اني سافرت من خلال تقريرك بسم الله ماشالله

تقرير ابداعي وسفره ممتعه ماشالله واكيد اني بستفيد منها كثير

لكن عندي بعض النقاط ودي اعلق عليها معكم واتناقش فيها

وهي :1_ السياره يعني تقريبا تنصحوني اني استاجر سياره طوال فترة تنقلي طيب حلو لكن كم تقريبا تطلع علي خلال المده 17 يوم , واش افضل نوع سياره تنصحوني استاجرها وهل استاجرها ديزل ولا بنزين , يعني اخواني انا ما تهمني رفاهية السياره اهم شي انها توصلني وين ما ابي .
2 _ التامين انشالله يوم السبت اطقطق عند شوون الموظفين عندنا واعرف هل التامين الطبي حق الشركه ينفع ولا لا وارد عليكم خبر .
3- بنسبه للفنادق حلوا يعطيكم الف عافيه دخلت ع موقع البوكينج لكن دار في بالي سؤوال متى احجز الفنادق هل بعد ما احجز التذاكر احجز الفنادق ع طول ؟؟
4 _ هل تطلب السفاره التذاكر من ضمن المستندات المطلوبه ولا ما يحتاج ؟؟
5_ الدراهم والكاش ...... انزين يعطيك الف عافيه بس هل اقدر اصرف بالماستر كارد والفيزا عاادي من اي صراف عندهم .... لان الحقيقه عمري وحياتي ما مسكت لا ماستركارد ولا فيزا ولا عرفتها .. فا فيدوني فيها ؟
6_ التاكس فري هل هي استماره يعني؟؟؟ وهل توجد عند اي محل اشتري منه ؟؟
اخواني وحبايبي جزاكم الله الف خير وانشالله اذا سافرت اوعدكم بتقرير
لسفرتي انشالله.
طبعا الفنادق اللي الشركه مسويه عليها تخفيض لموضفيها ما قدرت افتحها من العمل لكن اذا رحت البيت انشالله احاول ارفعها لكم وتشوفونها وتخبروني بالفندق المناسب .
في حفظ الله ورعاايته

1. لتعبئة الاسم ورقم الجواز واسم بلدك و ...


2. اذا رحت للمطار تبي ترجع لبلدك :

وعليكم السلام ورحمة الله وبركاته
هلا بك أخوي ابو رامي ونور المنتدى بوجودك
ان شاء الله أقدر أفيدك , واخوي ابو معن ماقصر كفى ووفى
المخطط الأفضل لرحلتك يكون كالتالي :
3 ليالي فيينا ( فندق الماريوت , فندق الانتر , فندق الهيلتون )
3 ليالي سالزبورغ ( فندق رامادا , فندق الشيراتون , فندق كراون بلازا )
5 ليالي زيلامسي أو كابرون ( فندق القراند , فندق سي فيلا ) , أو شقه صغيره في كابرون
2 ليلتين انسبروك ( فندق الهيلتون )
3 ليالي ميونيخ ( فندق الميريديان , فندق نوفتيل )
أنصحك تستأجر سياره لأن 80% من المتعه في أوروبا وجود السياره معك وخصوصا في الأرياف ( سالزبورغ + زيلامسي + انسبروك ) طريقة التأجير :
تستأجر الفئه الصغيره ecomomy ( تختار قير أوتوماتيك + ديزل + مكيف ) عن طريق الأنترنت أو عن طريق مكتب شركه يورب كار في شارع الأحساء بالملز أو مكتب شركة سيكست على طريق خريص مقابل مدينة الملك فهد الطبيه
وتكون محطه الأستلام قرية فريلايسنق الألمانيه تبعد عن سالزبورغ 10 دقائق ومحطة تسليم السياره مدينة ميونيخ اذا ماتحتاجها في ميونيخ سلمها أول ماتوصل لكن اذا تحتاجها في ميونيخ سلمها قبل آخر يوم
الفيزا ضروريه اذا كنت تبي تستأجر سياره عن طريق النت لأنهم مايقبلون الكاش أو تحجز فنادق بالنت , وأنا شخصيا أستخدم الفيزا فقط بأجار السياره أما المشتريات أما أدفع كاش أو استخدم بطاقة الصراف العاديه سامبا أو صرافة الراجحي , ومكائن الصرف الآلي موجوده في كل مكان لا تشيل هم أذا قربت رحلتك خذ معك 1000 يورو وقسمها فئات صغيره والباقي اسحب شبكه من هناك
التاكس فري اذا اشتريت من أي محل أغراض اطلب أو اسأل هل الأغراض لها تاكس فري؟؟؟
والتاكس فري هي ورقه مثل الأيصال اللي يطلع لك اذا حاسبت شبكه في مطعم أو أي محل لكن أطول شوي ويوجد في الورقه عدة خانات

لتعبئة الاسم ورقم الجواز واسم بلدك و ...

اذا رحت للمطار تبي ترجع لبلدك :

لازم تكون الأوراق هاذي جاهزه مع جوازك وحاول تكون المشتريات اللي لها تاكس فري مع بعض أما في شنطه وحده او في كيس لحالها أول ماتدخل المطار تخلص أمورك وتقص البوردنق وتشحن عفشك وتقول لموظف الخطوط هاذي الشنطه مخصصه للتاكس فري واذا خلصت منهم أبرجع اشحنها مع العفش الباقي , يبي يقول لك رح لمكتب التاكس فري وهو قريب من عنده , تروح للمكتب وتخلص أمورك وتستلم فلوس الضريبه...
بعد ذلك ترجع لموظف الخطوط وتعطيه الشنطه وتقول له اشحنها مع العفش السابق وبكذا تكون خلصت تذهب للجوازات وتختم خروج من ميونيخ و تدخل الصاله منتظرا موعد اقلاع الطائره
لكن اذا كانت رحلة العوده يوم السبت أو الاحد ( أعتقد أن المكتب يكون مقفل يوم السبت والاحد ) ويوجد صندوق بجانب شباك المكتب تضع فيه الاوراق التابعه للتاكس فري وتكون معبي كل الفراغات ويرجعون لك الضريبه على بطاقة الفيزا اذا كنت مشتري الأغراض بالفيزا

جمعه مباركه للجميع ومساكم الله بالخير
حبيبي والله ابو نزيه
ماقصر ويعطيك الف عافيه وانشالله على نفس الخطه اللي رسمتها لي راح تكون رحلتي
لكن انا عندي بعض الاستفسارات لاخوي ابو معن لاني صراحه مشدود جدا لتقريره الرائع عندي بعض الاسئله له و ايضاء لاخواني الاعضاء
طبعا اخوي ابو معن الاسئله متتاليه حسب تقريرك لاني اشاهد تقريرك من البدايه واذا طرىء علي اي استفسار كتبته بمذكره والحين بكتبها لك هنا .1- انشالله لمن اوصل المطار تقول روح حقين الجوزات تلقاهم ع يسارك اخاف انزل مع بوابه غير اللي نزلت عليها انت واتوهق ما احصلهم اقعد ادور عليهم فاذا ممكن اسم مكتبهم او اي شي ممكن اني اسائل عنهم بالمطار ويدلوني عليه .
2- ausgang wein يعني تعال شيل عفشك من هينا صح ام لا ؟ وهل فيه شاشه تبين ان الحقائب هذي لرحله الفلانيه ؟
3- بنسبه لشطاف مشكله ومشكله كبيره لو ما كان في الفندق شطاف كيف الواحد يقضي اموره في دورة المياه المهم يعني اشيل الشطاف معي من السعوديه عشان الفندق هذا ولا موجود وينباع هناك ؟
4_ الغلايه هل موجوده بالفندق ولا اخذها معي من السعوديه لان بيني وبينك مخي ما يعدله غير القهوه العربيه وعندي كم تعليق بنسبه لتمر ماشالله اكيد انه تمر الصقري والكوب شكله موا غريب علي اكيد انه من السعوديه شايله .لاني شفت زيه عند الوالده طبعا موجود بالصوره ..... اي صح تذكرت الخريطه اللي مع علبة التمر والكوب حقت فينا من وين حصلت عليها لاني احس انها راح تفيدني كثير .
5 الاندر قراوند هذا ...... طريقته اني اشتري تذكره لكل مشوار يعني لو رايح جاي ولا اني اشتري تذكره للايام اللي بكون فيها في فينا ثم استخدمه حسب الايام اللي انا شريتها . ودي اعرف كيف نظامه ياليت تفيدوني فيه لاني افكر استغني عن السياره هناك .
6- بعدين قصر الشنبرون التذكره حقته هل هي انواع يعني على حسب المرافق اللي بدخلها في نفس القصر ولا تذكره شامله كل شي بالقصر .
7- ياليت يابو معن توضح لي على خريطة الاندرقراوند موقع محطة القطارات westbahnhof wien لان والله طلعت عيوني وانا ادور عليها
8-طيب ياخواني سالفت التاكس فري هل لزم اني اسوي تاكس فري لكل دوله اشتري منه بضاعه لان اخاف اذا جيت اسافر من ميونخ راجع يقولون لي احنا مالنا غير ببضاعتك اللي شريتها من المانيا وبضايعك اللي شريتها من النمسا مالنا شغل بها ؟
9- كم المسافه بين فينا وسالسبورغ لاني افكر اذا استاجرت سياره انزل بسياره لان الصور بالقطار من رحلة ابو معن ماشالله تبارك الله تفتح النفس فاقلت انزل بالسياره بس اذا كانت المسافه بعيده نبطل ما نبي .
10- بنسبه لتذكرة سالسبورغ من وين اشتريها لان ابو معن يقول انه لو شراها كان افضل له .
حبايبي ابو معن وابو نزيه والاخوان كلهم
انتظروا اسالتي واستفساراتي لانها كثيره والله يعينكم عليها
انشالله بكره السبت ابراجع البنك الفرنسي ابستخرج الفيزا
واشوف سالفة التامين حق الشركه وارد عليكم خبر وبعدها انشالله نبداء في الجوزات وامور الجوزات .

1. مسائك أجمل


2. لاني انا نسيته وأنواع الأحراجات.


3. والكوب هذا بالفندق لقيته .

مسائك أجمل

1- انشالله لمن اوصل المطار تقول روح حقين الجوزات تلقاهم ع يسارك اخاف انزل مع بوابه غير اللي نزلت عليها انت واتوهق ما احصلهم اقعد ادور عليهم فاذا ممكن اسم مكتبهم او اي شي ممكن اني اسائل عنهم بالمطار ويدلوني عليه .
أسمهم
Passport Office , وتقدر تأخر طلعتك مم الطيارة شوي وتمشي مع العالم كلهم راح يمشون مافيه يمين او يسار
ماقدر تطلع من المطار إلا عن طريقهم.
2- ausgang wein يعني تعال شيل عفشك من هينا صح ام لا ؟ وهل فيه شاشه تبين ان الحقائب هذي لرحله الفلانيه ؟
لا هذي معناتها بوابة الخروج لفينا وليس لإستلام العفش لان استلام العفش قبل هاللوحه مثل هالصورة
الأسهم هذي معناتها بوابة الخروج لفينا , لكن قبل ماتطلع من المطار اول ما تلف يسار من هالصورة راح تلاقي سير العفش
الأمر في غاية السهولة .لانك تختم بعدين تستلم عفشك مثل ربعنا.ومن ناحية ان فيه لوحات تبين السير يتبع أي رحلة
نعم يوجد لوحات توضح ذلك , أو خليك مع واحد اوروبي جاي معك في نفس الرحله , يعني خليك وراه الي تطلع من الفندق
وهذا كان نظامي هناك.
3- بنسبه لشطاف مشكله ومشكله كبيره لو ما كان في الفندق شطاف كيف الواحد يقضي اموره في دورة المياه المهم يعني اشيل الشطاف معي من السعوديه عشان الفندق هذا ولا موجود وينباع هناك ؟
الشطاف تلاقيه في محلات لوازم الرحلات البرية او محلات البلاستيكات , وللأسف ما قدر دخلت فندق
ولقيت فيه رشاش ماء بالقرب من كرسي المرحاض أكرمك الله والمشاهدين.اشتره من هنا

لاني انا نسيته وأنواع الأحراجات.

4_ الغلايه هل موجوده بالفندق ولا اخذها معي من السعوديه لان بيني وبينك مخي ما يعدله غير القهوه العربيه وعندي كم تعليق بنسبه لتمر ماشالله اكيد انه تمر الصقري والكوب شكله موا غريب علي اكيد انه من السعوديه شايله .لاني شفت زيه عند الوالده طبعا موجود بالصوره ..... اي صح تذكرت الخريطه اللي مع علبة التمر والكوب حقت فينا من وين حصلت عليها لاني احس انها راح تفيدني كثير .
الغلايه انا أفضل انك تشتريها من هنا لأسباب كثيرة :
1- قد لاتجدها متوفرة في الفندق.
2- قد تتعطل حقت الفندق مما يضطركم دفع رسوم , ولاتدري عن الفندق ممكن يدبلها عليك , لان احد الأخوان خرب حقت الفندق ودفعوه مبلغ وأنت ما ودك تقع في الأحراج .
لان القهوه لازم تفتح الغطاء وتخليجها تدوخ من الحرارة عليها تضبط الراس.
3- ما ودك تطلع من الفندق وتخلي الفواحه طعمها قهوه وتزعل عليك الفندق!
ثاني شي من ناحية التمر فهو سكري وكان هديه من جده معن الله يجزاها عنا كل كل .

والكوب هذا بالفندق لقيته .

والخريطة جميع فنادق فينا وفنادق اوروبا بشكل عام عندهم خرائط سياحيه تقدم لنزلاء بشكل مجاني.
5 الاندر قراوند هذا ...... طريقته اني اشتري تذكره لكل مشوار يعني لو رايح جاي ولا اني اشتري تذكره للايام اللي بكون فيها في فينا ثم استخدمه حسب الايام اللي انا شريتها . ودي اعرف كيف نظامه ياليت تفيدوني فيه لاني افكر استغني عن السياره هناك .
اولاً الاندرقراوند في فينا وميونخ فقط تستخدمها اما بقية الايام فتكون بالسيارة. انت اشتري الي مديته ثلاث ايام
اذا كنت ناوي تجلس في فينا ثلاث ايام لانها اوفر واقل سعر.
امر الأندرقراوند جداً سهل إما عن نظامه فموجود شرح له في المنتدى تقدر تبحث عنه .
6- بعدين قصر الشنبرون التذكره حقته هل هي انواع يعني على حسب المرافق اللي بدخلها في نفس القصر ولا تذكره شامله كل شي بالقصر .
فيه تذكرة شامله وفيه تذكرة محده وتقدر تاخذ الي تبي حتى ان شباك التذاكر موفر لك شرح بالصور عن اسعار كل موقع
وعن التذكرة الشامله يعني روح الوضع جداً بسيط.
7- ياليت يابو معن توضح لي على خريطة الاندرقراوند موقع محطة القطارات westbahnhof wien لان والله طلعت عيوني وانا ادور عليها.
واضح جداً وبكرة ان شاء الله راح اوضحها لك لان جهازي النوت بوك لايوجد فيه برامج مساعده
8-طيب ياخواني سالفت التاكس فري هل لزم اني اسوي تاكس فري لكل دوله اشتري منه بضاعه لان اخاف اذا جيت اسافر من ميونخ راجع يقولون لي احنا مالنا غير ببضاعتك اللي شريتها من المانيا وبضايعك اللي شريتها من النمسا مالنا شغل بها ؟
انت ماعليك الا انك تاخذها وعند دفع التاكس فري راح يبينون لك التفاصيل غالبا ان اشتريت من النمسا او المانيا
تقدر تاخذها من اي مطار في النمسا والمانيا اما ايطاليا وفرنسا على حد علمي ما تقدر تاخذ التاكس الا من نفس الدولة
والله اعلم.
9- كم المسافه بين فينا وسالسبورغ لاني افكر اذا استاجرت سياره انزل بسياره لان الصور بالقطار من رحلة ابو معن ماشالله تبارك الله تفتح النفس فاقلت انزل بالسياره بس اذا كانت المسافه بعيده نبطل ما نبي .
انا افضل انك تروح لسالزبرغ من فينا عبر القطار لعدة أسباب:
1- ماراح تقدر تحصل سعر إيجار سيارة في فينا بسعر قليل.
2- راح تسلم السيارة في ميونخ يعني راح تدفع ضريبة على الأقل 200يورو ضريبة تسليم سيارة في دولة آخرى.
3- تجربة القطارات الأوروبية جميله جداً ولاتقلق فستجد الطريق من سالزبرغ الي زلامسي أروع وأجمل.
10- بنسبه لتذكرة سالسبورغ من وين اشتريها لان ابو معن يقول انه لو شراها كان افضل له .
تقدر تشتريها من الأنترنت عبر موقعهم
http://www.google.com.sa/url?sa=t&source=web&cd=1&ved=0CBYQFjAA&url=http%3A%2F%2Fwww.oebb.at%2Fen%2F&ei=o-45TfigOsyxhAfA_tSKCg&usg=AFQjCNEny5CEQ7wmmp5fvk24CTcpmNMorg
وسعرها موحد لكن افضل انك تشتريها او ماتوصل الي فينا او ثاني علشان تعرف المكان ولاتجي قبل الرحله بوقت قصير
بعيد تحرج مع المدام ولاتدري وين طريقكم وتروح عليك الرحلة وتجلس ساعه ونص على الأقل علشان يجيك الباص الثاني.
وايضا موشرط انك تقصها عندهم تقدر تقصها وانت في داخل القطار , يعني يجيك المسئول ويقولك وين التذكرة
وانت ببساطه تقوله ما اشتريت يطلع لك بطاقه وتدفع له يعني الأمر في غاية البساطة.

هذا موقع ساحة المحطات الغربية