- تحيه طيبه وبعد
- اذكر مره قبل تقريبا سنتين سويت مقارنه بين تايلند واندونيسيا
السلام عليكم ورحمة الله وبركاته
الاعزاء رواد بوابة العمه
تحيه طيبه وبعد
اذكر مره قبل تقريبا سنتين سويت مقارنه بين تايلند واندونيسيا
وطبعا لاني من عشاق ورواد مملكة النور تايلند كنت باخس اندونيسيا حقها ولاموني كثير من الاخوان من رواد العمه وعلى سبيل المثال لا الحصر الاخ ياماس واول حبيب او وعدتهم انه راح اكتب تقريري بعنوان اندونيسيا اللتي رأيت والمشكله اني توني افكر اكتبه والله من كثر السفر والاشغال اهي اللي بعدتني وشيء مهم ثاني اني الحين مصمم وموجه باذن الله حق العمه
انا قلت في تقريري السابق تتميز اندونيسيا عن تايلند بالرخص فقط لاكن تايلند تتميز عن اندونيسيا بالامان واهو اهم شيء وبتنوع الاماكن والرخص نوع ما لاكن بعد تمشيتي في بوابة العمه اتضحلي العكس
اتضحلي انه الاماكن المتنوعه في اندونيسيا اكثر من تايلند وبالنسبه لامان مافي مشكله الواحد يقدر يتحكم فيه اذكر اني في عام 2001 كان الصرف المية دولار = 1060000 وكنت ساكن الاتريوم الليله 210000
كان وقتها تاريخ 2-10-2001 اذا تذكرون في 7 اكتوبر بدت الحرب على افغانستان وتذكرون المظاهرات الي صارت في جاكرتا وبحكم قرب السفارةالامريكيه من الاتريوم الوضع كان غير مريح بالمره معا العلم اني جلست اسبوعين فقط كان برنامجي طوال الاسبوعين اصحى الساعه 7 صباحا انزل الفطور وبعدها اذهب للاسواق وارد الفندق الساعه الخامسه مساء اجلس اريح بالفندق ساعتين وبعدين اطلع الساعه 7 مساء حق فيلا صاحبي في جاكرتا اهيا فيلا وبنفس الوقت مدرسه لتعليم الخدم القران واللغه العربيه وكيفية استعمال الادوات الحديثه مثل الغساله والمكنسه ولزوم التنظيف ونرد الفندق على الساعه 11 انام ويومي يصير مثل اللي قبله طوال
تم التعديل من قبل المشرف اعزكم الله غير هذا نصبوا علي بكمية كبيره من البخور ودهن العود
ورحت شفت الاثاث والسراميك والجرانيت الرحله نوع ما كانت تجاريه
علشان جذي للاسف ماعرفت اندونيسيا عدل لاكن بمروري على بوابة اندونيسيا ومشاهدت رحلات الاعضاء الكرام تغيرت وجهة نظري 180 درجه الزبده الزبده
اعتذار خطي من اخوكم مراهيش عن اللي قلته سابقا عن جاكرتا واللي اتضحلي انها تضاحي تايلند وماليزيا وسنغافوره من ناحية التعدد والرخص ويالله نقول الامان بس بحدد والسموحه يارواد العمه
عندي كذا استفسار انا انشالله بسافر في اول شهر نوفمبر بعد رمضان انشالله
اسئل عن المصرف اليومي 100 دولار تكفي ؟معا العلم انه في 2001 كانت المية دولار تضل معاي تقريبا ثلاث ايام بس سؤالي الحين 100 دولار تكفي لي انا والمدام بدون السكن والمشتروات لليوم الواحد وشرايكم بفندق جوبترا والجبل الفلل +حمام سباحه تقريبا بنوفمبر كم سعرها في كذا سؤال لاكن انشالله اسئله بعدين وتقبلوا تحيات اخوكم مراهيش
الرجاء التقيد بقوانين المنتدا
مرحباً أخي مراهيف.....أقصد مراهيش
لكل شخص وجه نظر ونحن نحترم وجهت نظرك
وفي أي مكان فيه المؤيد والمعارض
وحياك الله مره اًخرى