انا عندي الكوفي شوب
لايفوتك جلست العصريه في فندق بارك حياه جلسه على البحر روعه في الحمراء
وايضا عندك لوست سيتي كوفي رائع مقابل لفندق الانتر بالحمراء
وشارع الروضه نزولا من الكوبري المربع باتجاه الغرب للبحر كلها كوفي شوب رايقه
والمطاعم
انا من هواة البوفيه المفتوح
فندق الحمراء سوفيتل فطور ب 50 ريال جنان
فندق سن ست فطور ب 35 ريال ايضا جنان
فندق الدار البيضاء فطور ب 40 ريال
هذا للفطور والمفضله لدي
الغداء
ماعندي اي خلفيه (اكره طلعت الظهر وماانصح فيها )بجده بالذات
العشاء
عندك بنفس الاسواق رد سي مول والعرب
هذا اللي عندي والمعذره على التقصير (لاني مااعرف ذوقك بالاكل والمطاعم كثيره )

مجمع الشرق يفتح العصر

1. أهلاً أختى الصريحة فى جدة ..


2. ما بنخليكى أبداً إن شاء الله ..

أهلاً أختى الصريحة فى جدة ..

ما بنخليكى أبداً إن شاء الله ..

شوفى أختى خلينا نبدأ بالإقامة ، بما إنك ناوية تروحين مجمع الشرق وهو اختيار موفق جداً لمن يريد الشراء بأسعار معقولة أنصحك بالسكن بجواره بحيث تروحين مشى ، وخاصة إن السوق كبير ماشاء الله ومدة إقامتك بسيطة ، إذا قررتى أنصحك بالسكن بشقق برج غرناطة ، لأنها على بعد خطوات فقط من السوق وحولها مطاعم كثيرة ،وجميع المعلومات عنها فى موضوعى المثبت عن شقق جدة ..
بالنسبة للكافيهات للأسف حالياً كثير من الكافيهات فيها شيشة ، ولكن من الكافيهات الحلوة اللى مافيها شيشة كافيه فويلا فى الملينيوم سنتر فى شارع التحلية ، رائع وراقي ونظيف ومتخصص فى أنواع مختلفة من الهوت شوكليت وعنده أصناف محددة للغداء ..أنصحك فيه جداً ، وفى تقرير مصور عنه فى البوابة ..
بخصوص الأماكن على البحر أنصحكم بالكافيه على البحر المفتوح فى فندق بارك حياة ، أكثر من رائع صحيح إنه غالى زيادة عن اللزوم ويمكن فيه بعض المناظر اللى ممكن تتجنبوها وفيه شيشة لكن ما تأثر كثير بحكم إن المكان مفتوح ، ممكن تجلسوا بشكل معين بس المكان رائع ، تقريباً يفتحوه من 5 العصر .
وفى مكان ثانى إذا ماقدرتوا تروحوا المكان الأول وهو ملاهى تشكى تشيز على البحر ، كمان روحوا بدرى ، عندهم إطلالة روعة على البحر مغلقة طبعاً مافيها شيشة وبيفتحوا من 8 صباحاً على ما أعتقد، وفى كمان روف يفتحوه الساعة 5 العصر حلو مرة بس مسموح فيه بالشيشة ..بيسووا بيتزا حلوة وسندوتشات نظيفة وأسعارها معقولة جداً ممكن تاخذوها غداء وكافيه ..
بخصوص المولات طبعا رد سى مول بس روحوا فى الفترة من الصباح للعصر فقط، رائع ، كمان ممكن تمشية وغدا ، الموضوع فيه إن عندهم نافورة موسيقية أعتقد تشتغل كل نصف ساعة أو ساعة بس صوتها بيكون فى المول كله..
وفى عندك كمان مجمع العرب كبير ونظيف ويستحق الزيارة ، يعنى خلى المولات فى الفترة من الصباح للعصر فقط والفترة المسائية لمجمع الشرق..
وطبعاً لاتنسى زيارة البلد بتشوفى عبق جدة الأصيل وأفضل وقت لزيارتها قبل المغرب بساعة
وأى استفسار لاتترددى أختى ولاتنسينا من صالح الدعاء.

الله يسعدكم اخي كرستال و شاعري
ويجزاكم الف الف خير
زي ماتوقعت ماتقصروا
بس
كمان عندي استفسار
ايش ترشحولي سكن غرف او سويتات فندقيه بس لشخصين السعر 400او اقل
وايش رايكم بشقق لاند مارك؟؟؟
ايضا هل تشيكي تشتز او )روف)جلسلت ع البحر وفيها خصوصيه؟ معليش ياليت توضح لي اكثر.
ايضا الكفيفي فندق بارك حياة هل فيه صور له _وهو ع البحر مباشرة ؟؟؟
وين مكان اللنشات؟؟
الله يسعدكم يارب واذا قدرتوا تعطوني رايكم بترتيب الاماكن القريبه من بعض) عشان ما نضيع
اتمنى الاجابة من جميع المشرفيين والمميزين في هذي البوابه الرئعه
وماراح انساكم من دعواتي
استفسار اخير )ثقلت عليكم ) هل تنصحوني بزيارة الجزيرة الخضراء او لاكوستا = وفي اي وقت؟؟؟
انا جايه وسط الاسبوع ان شاء الله هل اغلب الاماكن فاتحة
المعذره ع الاطاله
بس مالي الا الله ثم انتم
بانتظاركم بكل شغف

لاند مارك حلوة وعندك كمان منازل التحلية على نفس الجهة من الشارع باتجاه الغرب ، قريبين من بعض يمديكم تشوفوهم اثنينهم وتختاروا الأفضل .
الروف فى تشكى تشيز ما فى خصوصية لأنه صغير بس ما ادرى إذا قدرتى تجلسى بشكل معين بحيث يكون الوضع مستر بالنسبة لك ، وعلى العموم كل مارحتى بدرى بعد العصر يكون مافى زحمة..هو مطل على البحر يعنى البحر فى جهة وهو مطل من الجهة الأخرى
الكافيه فى بارك حياة على البحر مباشرة يعنى تحتك البحر..صورته على الرابط
http://www.jeddah.park.hyatt.com/hyatt/hotels/index.jsp
بالنسبة للجزيرة الخضراء وشاطىء لاكوستا أنا شايف إذا قدرتى تروحى بارك حياة فهو الأفضل ومافى داعى تروحى لاكوستا .
بالنسبة للترتيب عند ثلاث أيام :
أول يوم الفترة الصباحية فى رد سى مول واطلعوا منه العصر على فندق بارك حياة خذوا قهوة أو شاي بس لأنه غالى وبعدين التمشية فى الحمراء والعشاء فى أحد المطاعم هناك
ثانى يوم مجمع العرب واطلعوا منه العصر على تشكى تشيز ، بيسووا بيتزا وسندوتشات طيبة ممكن تتعشوا هناك
ثالث يوم خصصوه صباحاً للتجول فى مولات شارع التحلية وفى المساء للتسوق فى مجمع الشرق..
ولاتفوتوا زيارة البلد
كل الأماكن فاتحة طوال الأسبوع ..
أى استفسار لاتترددى ..ولاتنسينا من صالح الدعاء

الله يجزاك كل خير يا اخ شاعري
ويوفقك لما يحب ويرضى
ماقصرت الله يسعدك بالدنيا والاخره
طيب ابغى اماكن مطاعم ع البحر وفيها حواجز وتفتح بالنهار
اوكفي يفتح الصبح؟؟؟
وقريت عن {السقاله} بس ما عرفت شي عنها) ياليت توضيح اكثر؟؟
وين مكان اللنشات ؟؟ يكون قريب
والله اني مستحيه من كثر اسئلتي
بس بحثت كثير
وما ادري المده قصيره
ودي بافضل الماكن والمطاعم
باختصار
بانتظاركم

لي عودة للرد اختي الصريحة و لا يهمك

مشرفنا شاعري ما قصر في الجدول الي حطه ممتاز واخوي الكرستال اقتراحاته حلوة
في الصباح اذا انتي حابة فطور حلو ممكن برضه في بارك حياة او تفطري في رد سي مول نفسه وبالنسبة لكافيه يفتح صباح عندك اروما كافيه " نكهة القهوة" عندهم اطباق للفطور اومليت وساندوتشات بس مو قائمة كبيرة
وفيه برضه كافيه ذا كوفي بين اند تي ليف جنب سوق الشاطئ فطوره رايق
واذا تبغي بوفيه فطور على الصباح حلو فعندك بوفيه اوتيل الروز وود على الكورنيش رائع
السقالة الي سالتي عنه هو مطعم يفتح غدا وعشا ماكولات بحرية وجلساته حلوة على البحر
اللنشات تاخذيها من ابحر عند مرسى الاحلام وكذا مرسى جنبه شوفوا افضل سعر بالساعة واختاروه افضل وقت انكم تاخذوا ساعة قبل المغرب مثلا على الساعة 5 الجو يكون لطيف و الشمس لسه موجودة اما قبل فحرارة

ماشاء الله عليها مشرفتنا مسلمة ماقصرت ..
وأى استفسار آخر آختى الصريحة لاتترددى