السلام عليكم
انا اول مره اروح لسويسرا فا ما اعرف عنها ولا شي لان احنا في اوروبا خبرتنا فقط ببريطانيا و حافظينها حفظ
بس ما شاء الله الاعضاء ما قصروا , قريت تقارير كثيره و استفدت مرره
بس عندي كم سؤال و اتمنى تفيدوني
اولا احنا عائلة مكونه من 7 افراد
الوالد و الوالده الله يحفظهم و انا الكبيرة 19 و 3 خوات ( 17 - 13 - 6) واخ 10 الله يصلحهم
و انا المسؤولة عن الحجز و كل شي بما اني الكبيرة
ان شاء الله حاجزيين على الخطوط التركية 6/7 - 20/7 و بناخذ سيارة الاستلام من المطار و بنرجعها 14/7
اول يوم بنقعد بجنيف بعدين بنروح انترلاكن 5 ايام و بعدين يورو بارك يومين بعدين بنرجع جنيف 6 ايام
طبعا التقسيم كان مبني على اساس اننا لازم نكون في جنيف اخر 6 ايام لان الوالد عنده دوره تدريبية خلال هذه الفتره
المهم نجي للاستفسارات
بخصوص انترلاكن انا حطيت تقسيمي كذا :
7/7 ( الوصول و استكشاف انترلاكن و نروح Heimwehfluh )
8/7 مصنع الشوكولاته + مونترو بما ان طريقهم واحد
9/7 شلالات Trummelbach و نرجع نتمشى بانترلاكن
10/7 Grindelwald هل نروح لها يوم لحالها ؟
11/7 يا لوزيرن او بيرن ايش تنصحون ؟؟؟؟؟
12/7 نروح بدري ليورو بارك
و عندي كم سؤال كمان عن جنيف
احنا الفندق كاتب اهم يعطون transportation card هل تغنينا عن السويس باس ؟؟؟؟
و في جنيف ايش الاماكن اللي تصلح بعد 3 pm و ايش الاماكن اللي تصلح للاطفال ؟
ووين افضل مكان للتسوق
اتمنى تفيدوني
thank you all