1. السلام عليكم ورحمة الله وبركاته؛؛؛


2. ((الدين النصيحه))


3. رجعنا بعد اتفاقنا ولكن للاسف مالقينا احد كان الارض انشقت وبلعتهم..

السلام عليكم ورحمة الله وبركاته؛؛؛

((الدين النصيحه))

اولاً: اود ان اشكر الجميع بدون استثناء واخص الاعضاء الكرام الذين قدموا لي نصائح وارشادات وتعليمات السفر انا اول مشاركة لي كانت تخطيط لشهر عسل بسريلانكا قبل سنة ولله الحمد اجمل رحلة كانت وموفقة تماما كانت رائعة ومرتبة والامور عال العال
الرحلة الثانيه او المشاركة لي الثانيه هنا كانت عندما نويت السفر للندن وباريس واسطنبول ولله الحمد سافرت لندن خمسة ايام كاملة وباريس 3 ايام كاملة واسطنبول يومين كاملين
انا وصديقي وكلفتني حدود 10000 ريال فقط شاملة كل شيء من ضمنها ( الطائرة والقطار والهدايا وزيارة الاماكن السياحية.....الخ)
في شهر خمسة ( ماي ) السابق من هذه السنة
ما رايكم بالتكلفة هل هي مناسبة لشخص؟!
مع العلم اني اخذت مع الهيتر الكهربائي وعدة القهوه ولا تعرضنا لاي مشكلة
وتقهوينا في اغلب المناطق والاماكن السياحيه يعني روقان على كيفكم حتى اننا تقهوينا بعين لندن وفوق برج ايفيل.....
ثانياُ : سبب مشاركتي هي الاتي ذكره ...
طبعاً كرد للجميل احببت المشاركة ولو بشي بسيط طبعاً وهو الموقف الذي حصل لي بباريس وحبيت اكون ناصح لكم ...
يا اخون انتبهوا انتبهوا وابتعدوا عن اماكن الشبهه والتعامل مع اناس غير رسميين
ولكن مانقول غير غلطة مني ودفعت ثمنها
المهم بعد صعودنا من برج ايفيل وزيارة نهر السين تحديداً عن مغادرتنا وعزمنا على العودة للفندق
ونحن بطريقنا نمشي على الرصيف الي يقع فيه برج ايفيل عند الحديقة كان هناك اشخاص يلعبون العاب خفة يد وكان الناس متجمعين حولهم واصواتهم تتعالى وحماس وابتسامات.... بين الحضور
طبعاً انا شاهتهم سابقاص اثناء توجهي للبرج ولكن عند العودة وقعت في المصيدة
وانا امشي توقفت قليلاً لارى مالذي يحصل بالضبط
فرأيت شخص وضع قطعة قماش على الارض وفوقها ثلاثة اغطية وبعضها علب وبعضها اكواب كانوا منتشرين حول جنبات الرصيف والسياح من حولهم ....
المهم اثناء مروري لفت انتباهي احدهم وبعد ان فشل احد الضحايا باختيار الكوب الصحيح (طبعاً يجب عليك الاختيار بين الاكواب الثلاث الكوب الذي يحمل الالون الابيض في جوف او تحت الكوب
طبعاً اخوكم بالله تحمس وشفت الضجه والحماس والرجل ماقصر ( الباني الجنسية) شايب شدني وحمسني قالي العب العب بس قبل كذا تدفع 100 يورو مدري وش الي خلاني اجازف والعب
دفعت له ال100 يورو الحمرة الزينة واخترت الكوب الي شاك فيه( المشكلة باقي كوبين وواحد منهم متاكد منه انه ابيض زي ما انا متاكد اني كتبت لكم الموضوع
المهم اخترت وفشلت وندمت وانقهرت وطرطعت وبعد خسارتي لقيت شاب جزائري قصير يتحدث مع صديقي وبعد الخسارة رفضت الاستسلام ولعبت بكل ماعندي حتى اعوض خسارتي فقلت معي 5 يورو وصديقي معه 40 يورو ولعبت فيها طبعاً شكيت فيه كان يقول اقل مبلغ تلعب فيه 100 يورو بس اخذ ال 45 يورو ووافق ولعبت حتى صديقي الي كان متحفظ شاف الكوب الصحيح واشر عليه وانا بعد واخترنا الكوب ولكن فشلنا ايضاً
بعدها مشينا وحنا نلوم بعض والجزائري القصير قالنا وحنا نمشي انهم سحرة ويستخدمون الشعوذه وانتقدنا ليش مانقرا المعوذات كان بطل سحرهم قلنا له مانعرف ليش ماعلمتنا
قال انا صراحه تعبت او كثير تفشلت كل ما انصح احد يرد علي وش دخلك مالك شغل ...
كذا ماصرت اتكلم ولا انصح احد
رديت عليه طبعاً وعلمته اصابعك مو سوا...
المهم ولا اطول عليكم وحنا نمشي ونتحسر على ضياع ال145 يورو ...
قلت له شف ياشيخ اذا بترجع لي فلوسي بعطيك نصفها طار من الفرح الرجال وقال والله لا طعنه وعندي سكين تحت بنطلوني اذا لزم الامر ( شكله خطير وعاطل ولا بعد مطلق وماعنده اقامة....) صراحه خفت منه كثير

رجعنا بعد اتفاقنا ولكن للاسف مالقينا احد كان الارض انشقت وبلعتهم..

اتاريهم كل مايحصلون صيده مثلي يشطبون سريع ويمشون ويرجعون بعد ساعه او ساعتين عشان ييأس السائح المخدوع وعشان مانشتكيهم الشرطة (مع احترامي للشرطة يمرون عليهم وكأنهم يقولون لهم ترى عارفين السالفه بس لاتلعبون قدامنا عشان هيبتنا...)
المهم ماحصلناهم رجعنا لطريق الفندق والمغربي ورانا اذيه نشب لنا نشبه يحكي لنا قصة حياته
المهم لم ايأس او استسلم ورجعت مرة اخرى بعد نصف ساعه واحصل اناس اخرين يلعبون غير الاشكال الي شفتها واحصل حبيبنا الشايب واقف بجانب بسطه خويه على انه يلعب..
طبعاً هو مسلمله الدفه (تبادل ادوار) و يلعب بداله ( نصابين كلهم الي يلعبون والي يديرون البسطه كلهم متفقين ومتعاونين مع بعض ..)
بعد ماشفته مسكته على جنب ومشينا 100 متر داخل الحديقة وقلت له شف بالانجليزي انت اخذت مالي بالسحر وبدون وجه حق رجع فلوسي الان وخلنا حبايب والا سأبلغ الشرطه واصرخ بصوت عالي واجمع الناس حواليك وانا معصب وزعلان بعد التفاهم وبعد ماحوطوني اخوياه قلت انا باي باي بس الحمدلله جا صديقي وصاحبنا فارتحت قليلاً بعدها رجع لي 100 يورو مع الخوف والارتباك نسيت ال45 يورو صراحه ارتعبت لانه حسب كلام الجزائري يقول انهم عصابات ويمكن يضربونك اذا لزم الامر ويهربون...
اخذتها وحسيت بنصر طبعاً الجزائري خلفنا يبي يطعم منها شي مع العلم ماسوى شي لنا
غير هكا ومكا مانعرف شنو يقول طول الرطيق يبربر ....حطيت فلوسي بجيبي وصاحبنا ماعرف عن الموضوع شي لانه قصير وكان محوطين بعض مانتبه ..
وصديقي بالله ماقصر كملها قاله رايحين شارع شانزلنزيه وبنتقهوى وصاحبنا العربي ماصدق خبر
لصق فينا وسوالف مانفهم شي منها .وحنا راجعين قلت لصديقي لاتعلمه اننا خذين فلوسنا ترى بيذبحنا وياخذها .. قال اوك
سالني صاحبنا الجزائري حصلت فلوسك قلت له لا بعد ساعه بنرجع له حسب الاتفاق وسويت نفسي معصب وزعلان وقلت يلا للفندق بلا قهوه بلا خرابيط ومشينا خمس دقايق بعدها تركنا وراح بحال سبيله...
اسف على الاطالة ولكن الحذر الحذر الحذر من التعامل او الذهاب الى الاماكن الغير معتمدة في البرامج السياحيه...
وانا راجع شفت ضحايا كثير من السياح الهنود واليابانيين والصينيين والمانيين شغالين عليهم شغل حريق... لكن ماقدرت انصحهم وتركتهم يواجهون قدرهم
هذا للعلم والاحاطة؛؛؛
وبالاخير تقبلوا تحياتي وتقديري واسف مرة اخرى على الاطالة.
تحياتي لكم جميعاً :::