مرحبا.. أنا صارت لي مشكلة لما جيت أرجع التاكس حقي لأن بعضه لازم آخذه كاش وحبيت أفيد اللي ماعنده فكرة..!!
أنا رحت من إيطاليا لباريس وطبعا زي ماتعرفون لازم ال custom stamp في مطار آخر دولة أوروبية وبعدين نقدر نرجع فلوسنا إذا ما أخذناها من قبل.. معليش طولت عليكم
بس والله لأني انقهرت من وحدة لبنانية تشتغل في الأميريكان اكسبريس في مطار باريس بغت تلعب علينا وقالت خذوا بالدولار اسرع من اليورو عشان ماياخذون عمولة عليكم زي اليورو 3,5 على كل ورقة تاكس وإن الفرق بالدولار بس هو سعر الصرف عندهم بدون عمولة..!! واحنا صدقناها قلنا عربية ماراح تغشنا وفوتنا دورنا ورحنا عند الدولار وبعدين لما سألتها عن سعر الصرف قالت 1,23 يعني يطلع كأن اليورو 4 ريال وشوي واحنا عندنا 5 وشوي يعني أنواع الفرق بين العمولة وسعر الصرف:112::112:
ولما قلنالها قالت: مالي دخل ماتورطوني انتوا اللي اخترتوا وحق اليورو قفل وقدمت علينا الناس اللي يبغون يحولون العملات!! مرا عصبنا وخافت وقالت للي تشتغل تعطينتا باليورو وحاولت اللي تشتغل تعطينا بالدولار بس احنا عيينا وماكان الفرق مرا كبير يمكن 200 ريال استفدناها عن الدولار لأنها أخذت 10,5يورو عمولةبس يمكن مع أحد ثاني يكون أكبر عشان كذا اسألوا عن سعر الصرف عندهم قبل بعدين قرروا إذا تبغون باليورو أو بالدولار..
مع إنه أحيانا زي مثلا في واحد بالداون تاون بروما غصب عليك يرجعونه بالدولار وانتم أكيد بتطلبونه باليورو وهنا عاد يبدون الاستغلال.. حاولوا ترفضون بالبداية لحد ماتعطيكم المبلغ باليورو بدون ما يروح عليك فرق كبير..
يعني الزبدة هم يستفيدون من التحويل من عملة لعملة يبيعونها بغالي ويشترونها برخيص..
آآآآآآآآآسفة عالإطالة ويمكن مايكون موضوعي مهم بس أنا ما أحب أحد يستغفلني ولو بشي بسيط!!! وأي استفسار أنا ماعندي أي ماانع