الله يعنيك اخوي
بس المعروف للكل ان الحجوزات لازم تكون متكاملة لجميع الايام اللي بتكون فيها متواجد هناك

أشكرك
أفدتني كثيرا
و وفرت علي مشوار 400 كيلو أنا كمان

انا ماشفت اغبي من هالسفاره .. يعني واحد حاجز تذاكر وعنده كريدت كارد ولا كشف حساب يغطي رحلته والبعض معه عائلته يعني وين يبي يسكن بالشارع ولا يبي يطق خيمه بالحديقه ... هذي اوربا مهيب المنطقه الشرقييه يعني اكييد يبي يضبط اموره ويرتب اوراقه قبل مايدخل ديرتكم..الشي الثاني الكثير من اللي معاهم عوايل ويحبون يسكنون بشقق يحجزون يومين ثلاثه بفندق لحد مايلقي شقه مناسبه يعني هو يشوفها بنفسه وقدام عيونه ..وقتها يروح للشقه ولا يكمل سكنه بالفندق...بعدين كل السفارات تعطيك فيزه اكثر من الفتره اللي تكون حاجز فيها الا الاغبياء هذولا يعطونك حجز حسب تواريخ رحلتك. الظاهر لو تبي تجلس يومين ونصف عطوك فييزه يوميين ونصف ههه .طيب افرض حصل طاري ولا ناسيتني الديره وغيرت المخطط وحبيت اجلس زياده..وطول من انا جالس راح اصرف زياده بديرتكم ..بس وش تقول ....ديره عطاها ربي جمال الطبيعه ولا ماكان عتبنا عليها وخليناها مطب .....

الله يكون بعونك حبيبنا ...والله افتنا الله يجزاك بالخير
والله تعقيد بل قمة التعقيد:112:
طيب اذا مافيه ازعاج عليك ممكن تذكر لنا على السريع الطلبات علشان نسترجعها بسرعه
الله لا يحرمك الاجر
تحياتي لك
شقراوي

رحت للسفارة برضوه قطعت لها 400 كليو امس ورجعت
واليوم جيت لها ثانيه
المهم كلش تمام بس شافوا تكلفة الفنادق والطيران مايغيطها الرصيد
مع انه الحجز عندي تذاكر بس على تاريخ سابق يعني بسوي استبدال مع الحجز الجديد
المهم قالوا لي ناقص رصيد حسابك 2000 وتغطي المبلغ
قلت عندي رصيد ثاني قالوا جيب منه كشف بسرعه
وطلعت ولا امداني وهم 11 يقفلون
المهم رجعت ديرتي
والاسبوع الجاي بروح لهم واحاول المحاولة الاخيرة
شكراً

مرحبا
هذا نظام يأخوان وحنا مانطبقه
يبقون حجز الرحله كامله وانا ماسمعت انه اول 3 ايام فقط
الحجز يكون من اول الرحله لين اخرها علشان يعرفون الشخص وين رايح وين ساكن مش كذه تعال خلاص
هذا نظام
وانا الصراحه قدمت بكشف حساب عربي والله أعلم وش بيصير

هم يهمهم انت رايح وين وين بتسكن يعني كل شيء عنك من يوم تروح الين تجي وهذي تفيدهم من نواحي كثيره
وغير كذا يبون يضمنون تحركاتك عندهم
بس المشلكله اذا انه يعطون على تاريخ الحجز الفيزا مشكله طيب لو راحت علي الرحله ومالقيت حجز وش الحل هنا
عموا انا قدمت وجالس انتظر وان شاء الله خير
عزيزي الي قدم كشف حساب عربي نصيحتي لك رح جهز كشف حساب انجليزي واكتب اسمك الي على الجواز على الكشف لانه راح يردونه فاختصر الوقت
تاكدو ان اسمك الي على الجواز هو نفسة الي على الحساب

الله يكن في عونك أخوي
بس السؤال هنا
هل وجدت زحمة عندهم ؟ يعني كم أخذت وقت من يوم أخذت الرقم إلى أن وصل رقمك
والسؤال الأهم: متى راح تكون رحلتك؟

والله ياخوي انا بقدم كشف حساب عربي ابحكم اني موظف في احدى البنوك
في ناس واجد حذو كشف احساب عربي وختمناه من عندنا سألتهم قالو بنقدمه السفاره
قلت يقبلونه قالو ايه ...
وحنا الكشف احساب الانجليزي يطلع من الاداره في الرياض مش من الفروع عندنا
طلبت كشف احساب بالنجليزي خذ 3 ايام ولما وصل الكشف تفاجأت انه لين 30/5/2008
طبعت من عندي كشف احساب بالعربي وختمته من البنك وديته الى مكتب الفيفا بالدمام ولا قال شي على الكشف
بس طلب زياده تعزيز من الفنادق بالفاكس قلت تامر امر
الحين انا والله مادري يقبلون كشف الحساب بالعربي ولا لا ؟؟؟؟
ان شاء الله خير