noora143
26-05-2022 - 11:04 am
السلام عليكم
كيفكم يا اعضاء المنتدى
انا عن نفسي اول مره بروح باريس وهي طبعا بتكون من خطه شهر العسل الي بتكون في فينا وبعدها زيلامسي وبعدها في باريس
بتكون مده اقامني في باريس لمده اربع ليالي يعني 5 ايام وبتكون في شهر 10
وبسكن في فندق كونكورد لافيت
ياريت تساعدوني اني اررتب جدول ازور فيه احلى الاماكن الي ماتتفوت
يعني انا حطيت في بالي ان بيكون يوم وهو آخر يوم للتسوق ويوم لدزني لاند
ابي اول يومين متحيره وين اروح فيهم مابي ازور اكثر من متحف يعني يا اللوفر ياقصر فرساي
اي واحد احلى ومايتفوت
يعني ساعدوني ارتب رحله ليومين تكون بين برج ايفيل وقوس النصر ويامتحف اللوفر او قصر فرساي
وابي اروح لنهر السين هل تنصحوني ناخذ رحله بوجبه غداء او عشاء او بس ناخذ جوله فيها
وشهي الاسواق والشوارع الي ت تكون قريبه من بعض علشان ما اضيع وقتي بين التنقل من منطقه الى منطقه ثانيه
واذا في معالم ثانيه تستحق الزيارة ياريت تعلموني
يعني ابي يكون اليوم حافل >>> حلوة ذي حافل
مابي اضيع وقت
ياريت تردوون علي علشان اعرف ارتب جدولي الي ابغى اسويه
noora143
أولاً ألف مليون مليار مبروك مقدماً ,, و الله يجمع بينكم بالخير و السعاده يا رب .
ثانياً حياك الله بين أخوانك و خواتك ,, و يا مرحبا و الله .
ثالثاً و الأهم ,, و هي المعالم ,, برج ايفل و نهر السين و متحف اللوفر تقدرون تروحون لها بيوم ,,,
و في نهر السين تقدرون تاخذون رحله مع وجبه بتكون حلوه كثير ,,,
و عندك هضبة مونمارت ,, و الأوبرا ,, و قصر فرساي ,,
و اذا تبين تتسوقين ,, لا يفوتك سوق لافيلاج سوق كله تخفيض و اسعاره جداً رائعه للماركات العالميهو هو يبعد عن الشانز 40 دقيقه ,, اذا بتروحون بالمترو ,, مثلاً عن طريق المحطه اللي عند قوس النصر بيوديك للمحطه قبل الأخيره اللي هي سوق لافيلاج ,, و المحطه الأخيره ديزني لاند ,, و المترو سهل و مريح و ممتاز جداً و رخيص حيل ,,,
و أهم شيء في نفس الفندق (( كنكورد )) قهوه أعتقد في الدور 23 اذا ما خاب ظني ,, القهوه توريك باريس كلها و ما تصلح الا في الليل من بعد الساعه 10 عشان تشوفون مدينة النور كلها تحتكم و تشوفون برج ايفل ينور كل ما تدق الساعه حكم ,,, الجلسه مره روعه و ما تنفوت ابداً ,,,
اتمنى لكم رحله سعيده و زواج مبارك ,,