1. ابي فزعتكم لي بصراحه انا مسافرة باريس معا بناتي


2. لمدة اسبوعين من تاريخ 28 يناير الى 9 فبراير

السلام عليكم عليكم ورحمة الله وبركاته

ابي فزعتكم لي بصراحه انا مسافرة باريس معا بناتي

لمدة اسبوعين من تاريخ 28 يناير الى 9 فبراير

حجزت التذاكر وفيزت بس باقي السكن محتارة فيه طبعا انا رحت باريس مرتين لحالي من غير بناتي وكنت اسكن بالماريوت الي على الشانزلزية المشكله عددنا ما شاء الله 7 يعني يبيلنا شقة افضل سمعت عن ماريوت فيلوج ويمدحونه وبصراحه رحت الموقع وعجبني وسعره 200 دولار يعني مناسب صحيح مافيه خدمة البريك فاست بس الحلو فيه يناسب لسن بناتي وقريب من ديزني لاند
قلت بخلي الاسبوع الاول فيه وباقي الايام بالانتر كنتونينتال الي عند الاوبرا لان اختي مجربته تقول سعر الكونكت روم عندهم مررة حلو
السؤال الي تاعبني طريقة التنقل استأجر سيارة واسوقها افضل أم اتنقل انا وبناتي بالتكاسي معا اني اعرف ان لابد من 2 تاكسي عشان ينقلنا من مكان الى اخر ايام ماكنت لحالي استخدم كنت الميترو بس الحين احس انها صعبه وخاصه عندي بيبي بعربانه يعني اشلون اتصرف معاه بدرج الميترو والصعده والنزلة وبناتي كلهم صغار اكبرهم عمرها 12 سنه واصغرهم سنه يعني 2 تاكسي ما يناسب واستأجار سيارة اخاف اضيع من ماريوت فيلج الى داخل باريس او لو ابي يرو فالي او اي مكان امشيهم فيه ادري اني ازعجتكم معاي بس الي جربو السفر معا اطفالهم شنو اختارو وراح اتحمل كل الصعوبات الي تواجهني ان شاء الله
واذا فيه مجال ترتبون لي برنامج للاطفال لاني ماتوقع راح اوديهم اللوفر واقولهم هذا فيه المونليزا ولا اتوقع اني راح اوديهم قصر فرساي واقولهم عن ماريا انطوانيت وطختها صحيح الكبيرة راح تستفيد بس الباقي احس انهم بيصيرون زي الاطرش بالزفه وماراح يستمتعون الا بدزني وبس عشان كذا ارشح ماريوت فيلج بقوة حتى لو اتنقل بالباص مال الفندق بين ماريوت فيلج ودزني
على العموم ابي ارأكم اول مرة اسفر الجهال واحس ان افكاري والاسكجول الي متعودة عليه متغير حيل