BASSAM SOBAHI
09-11-2022 - 02:29 pm
السلام عليكم .. كيفك الحال شباب..
انا مبتعث لنيوزلندا لدراسة الطب ورايح يوم الاحد ان شاء الله
عندي كم سؤال وياليت انكم تساعدوني فيها:
1- سمعت انو مافي ملحقية ثقافية في نيوزلندا وانها في استراليا . طيب كيف نتواصل معاها وايش اللي يحتاجو مننا واللي نحتاجو منهم.
2- السفارة السعودية في نيوزلندا (نفس الكلام) فين موقعها بالضبط وكيف نتواصل معاها وايش اللي يحتاجو وايش اللي نحتاجو.
3- كم المبلغ اللي اخذو معايا يكفيني لمدة 3 اشهر ،وبأي عمله اخذه .
4- وبالله ابغا اعرف اسم اقرب بنك من جامعة اوتاغو في دنيدن ورقمه (ويكون مجرب وطيب) لفتح حساب فيه .
5- بالنسبة للتأمين الصحي كيف أعمله.
6- والسكن لقيت مع عايلة ب 1125 دولار نيوزلندي ايش رايكم طيب ولا اشوف غيرهم.
7- سمعت انو في الطيارة قبل الوصول لنيوزلندا في نماذج اعبيها ،
8- بالنسبة لشريحة الجوال ايش احسن شركة واقل تكلفة في نيوزلندا وكيف اطلعها.
وبالتوفيق للجميع ... ومعليش على الإطالة
حياك الله وبجاوبك باللي اعرفه...وان شاء الله الشباب مايقصروا معك
1- سمعت انو مافي ملحقية ثقافية في نيوزلندا وانها في استراليا . طيب كيف نتواصل معاها وايش اللي يحتاجو مننا واللي نحتاجو منهم.
اي الملحقيه موجوده في استراليا فقط..تقدر عن طريق موقع الملحقيه ع الانترنت او البريد
هذا موقع الملحقيه
ط§ظ„ظ…ظ„ط*ظ‚ظٹط© ط§ظ„ط«ظ‚ط§ظپظٹط© ظپظٹ ط§ط³طھط±ط§ظ„ظٹط§ http://www.sacm.org.au
2- السفارة السعودية في نيوزلندا (نفس الكلام) فين موقعها بالضبط وكيف نتواصل معاها وايش اللي يحتاجو وايش اللي نحتاجو.
مافيه سفاره سعوديه بنيوزلندا فقط في استراليا...
3- كم المبلغ اللي اخذو معايا يكفيني لمدة 3 اشهر ،وبأي عمله اخذه .
بالدولار الامريكي...المبلغ حسب صرفيتك انت...بس مادام انك ع البعثه بس توصل نيوزلندا ارسل للملحقيه الاوراق المطلوبه وان شاء الله يبدأ الصرف عليك من اول شهر
4- وبالله ابغا اعرف اسم اقرب بنك من جامعة اوتاغو في دنيدن ورقمه (ويكون مجرب وطيب) لفتح حساب فيه .
انا في اوكلاند...وان شاء الله الاخوان يجاوبوك...انا فاتح في بنك اسمه(ذا ناشيونال بنك)
5- بالنسبة للتأمين الصحي كيف أعمله.
الى الان لم اعمله..
6- والسكن لقيت مع عايلة ب 1125 دولار نيوزلندي ايش رايكم طيب ولا اشوف غيرهم.
اذا احد في دنيدن يساعده شباب...انا ساكن ب200 دولار بالاسبوع في سكن اسمه(سكولار ابارتمينت) احنا 3 في شقه كل واحد بغرفه...
7- سمعت انو في الطيارة قبل الوصول لنيوزلندا في نماذج اعبيها ،
اي كرت الدخول...وتعبيته سهله...مو صعبه بالحيل اذا وصلت المطار وماتعرف تعبيه ووصلت عند الجوازات قوله ما اعرف اتكلم انجليزي ويجيبوا لك مترجم...
8- بالنسبة لشريحة الجوال ايش احسن شركة واقل تكلفة في نيوزلندا وكيف اطلعها
الكل يستخدم هنا فودافون...بس الاتصال الداخلي غالي...احنا نستخدم الرسايل اكثر شي...نشتري 2000 رساله ب10 دولار وكله شات طوول اليوم...تقريبا الاتصال الداخلي الدقيقه بدولار
والله يوفقك وتوصل بالسلامه...واذا في معلومه ناقصه الاخوان البقيه بيساعدوك ان شاء الله
مع أجمل تحياتي حروف العشق