ابوفهد202
25-04-2022 - 06:43 am
السلام عليكم ..
صباحكم ومساءكم عسل ولوز ... (( واناناس ماليزيا السكر))
ماشاء الله تبارك الله على ماليزيا ..
ويازين امطارهم وجوهم بعد .. حتى حرهم وش ملحه ..
المهم احبابي انا الحين في بينانق وطالع بعد يومين بالتحديد 19-5-2011
الى كوالالمبور
وش تنصحون فيه بالانتقال ..
باص يقولون ب 60 رنقت للنفر .. بس الطريق من 5 الى 6 ساعات ..طويل شوي واخاف يكون ممل ..
وفيه سياره خاصه ب850 ... معليش ..
وخطوط الماليزيه حصلت حجز ب 250 الشخص الواحد ..
دلوني ..
وتحيه طيبه ورقيقه الى حبيب القلب .. ماجد الفهد
والله اني تعبته وماله الا الدعاء ..
(( اخيرا .. اللي يوصي شيء من ماليزيا يقول .. ))
نستودعكم الله ..
ارجع مع الباص .... يوسع الصدر وتمر 4 ساعات كانها ساعه
طريق يفتح النفس خضره غير شكل وامطار
ونص المسافه يوقف في محطة فيها سوبر ماركت لقضاء بعض الاحتياجات
وخذ مع بعض المقرمشات توسع بها سنك
واشحن الابتوب وتفرج لك على دي في دي او على صورك
او اقرا لك سور من القران الكريم
ووفر لك قرشين تنفعك
وعلى فكره باصاهم واسع وكرسي مريح
شوف الباص والطريق هنا مشاركه 37
https://artravelers.com/p/re/430764
اوصيك على نفسك ومن معك بقراءة الاذكار
تحياتي