الله يهنيك واستانس ماعليك من احد (بيحقدون علي الاعضاء)

نجمة النجوم
الصراحة انا معاها بالي تقوله ......... بس بعد ما تجاوب على سؤالي
اذا ممكن تسأل هل احتاج في اول اكتوبر اني البس جاكيت او ملابس ربيعية او شتوية او صيفية ؟

رحال كويتي
الله يهني الجميع ان شاء الله .......ز اخوي رحال اسال وماعليك
بالنسبة لاستفسارك انا سألت وقالوا لي انه في اكتوبر يكون عندهم الصيف يعني درجة الحرارة في حدود 23 ......... الحين عندهم شتاء وصار لنا يومين اخوي الشمس طالعة ومانلبس حتى كوت للبرد لانه برودتهم حلوه ......... بس اول يومين من وصولي لبست كل ملابسي اللي في الشنطه من البرد

ياليت تفيدنا ايش المطاعم الحلوه لتناول وجبة الأفطار في الوتر فرونت مع الأسعار
وباالنسبه لحديقة الزهور هل فيها زهور او لا في الوقت الحالي؟
وكيف الأمطار هناك غزيره او لا؟
واذا كنت جربت رحلة السفاري من اي مكتب اخذتها لأني ودي برحلة سفاري لساعات فقط بدون مبيت ويكون الأنطلاق من كيب تاون؟
والف مبروك الزواج

اميرالحنان
يا كثر الكوفي شوب اللي يقدم وجبات افطار ..... انت بس روح جهة المطاعم وعلى فكره في مطعم اسمه
ANAT هذا عنده شاورما راح تلاقي عنده طعميه كمان .... بس بصراحة اكثر افطار عجبني مطعم steers هذا المطعم لذيذ حتى لوجبات الغداء والعشاء... وفي كوفي شوب داخل السوق بصراحة ماني فاكر اسمه
بجنب محل الصرافة فطوره جيد ..... السعر تقريبا لشخصين للافطار تكون في حدود 50 الى 80 راند مع الافطار....
حديقة الزهور ماانصح فيها اخوي ابدا مافيها الا زهره او زهرتين :112: الظاهر مش موسم عندهم كل اللي تشوفه اشجار وبس لا تخسر فلوسك على الفاضي نصيحة
الامطار مش غزيره بس الأيام هذي الجو معتدل لا هو حار ولا هو بارد
السفاري عندك اثنين في كيب تاون AQUILA و Fairly Glen
انا رحت Fairly glen حجزتها من مكتب السياحة اللي في السعوديه (نصيحة اذا تقدر احجز السفاري من اي مكتب سياحه في السعوديه لأنها ارخص من اللي عندهم )
انا كان حجزي يشمل يوم كامل من الساعه 6:30 صباحا وحتى 4:00 عصرا شامله المواصلات وجبتين افطار وغداء (اكل حلال) بسعر 900 ريال للشخصين وهنا السعر 600 ريال للشخص الواحد
اما بخصوص السفاري فهي بصراحة ممتعة انا مثل ما ذكرت رحت fairly glen safari وبصراحة كانت حلو اخذونا في سيارة سفاري لمدة 5 ساعات وشفنا ال big 5 ما عدا النمر .....

السلام عليكم ياعريس والف مبروك)
عندي عدة تساؤلات؟؟
1-بالنسبه للسفاري اللي رحت لها كم تبعد عن كيب تاون؟
2-أم بالنسبه للسكن في الجاردن روت هل حجزت من هنا أو من السعوديه؟ وهل ترى أن عملية الحجز من صاحب القيست هاوس المنتشره هناك سهله وسريعه ؟ أم تنصح بالحجز من هنا؟
3-ياليت لو تكتب أحلى شي رحتوا له في كيب تاون والجاردن روت أذا انتم بترحون وشكرا مقدما

عزيز السعودية
الله يبارك في حياتك
1- السفاري تبعد عن كيب تاون ساعه ونصف
2- الجاردن روت كنت اتمنى اروحها بس مافي نصيب لأنه بكره ماشي على جوهانسبرج
مدة ثلاث ايام راح اقضيها في سفاري وسن سيتي والقولدن ريف
3- احلى شيء السفاري (بصراحة عجبتني ) وكمان النشاطات اللي كنا نسويها في الوترفرونت مثل
ركوب الspeed boat بصراحة متعة مالها حدود انا استمتعت فيها اكثر من ركوب الهيلكوبتر
والcanal walk وكمان في سوق اسمه access park انصح الجميع يروحوه راح تلاقي كل الماركات وبسعر ارخص من الوترفرونت والكانال والك.........اذا كنت من هواة الطبيعة انصحك بشيئين لازم تروحها
راس الرجا صالح ورحلة الغروب اللي في الوترفرونت تاخذ بوت وتشوف الغروب مدتها ساعه ونصف بس بامانه احلى مناظر راح تصورها ......انا لما شفت الصور اللي صورتها حسيت اني محترف تصوير

malayboy
باالنسبه لرحلة السفاري جو اخذوكم من الفندق او من الوتر فرونت ؟ وكم الساعه اخذوكم؟
ومن اي مكتب حجزت السفاريFairly Glen ؟ واي وقت اخذت عصر او صباح ؟
وباالنسبه لرحلة الغروب ايش اسمها باالأنجليزي ومن اي مكتب حجزتها ؟ وكم تذكرتها؟

مرحبا ياعرسان...........
مشكور على الردود الوافيه
باقي عندي تساؤلات!!
هل المقصود speed boat ب السفينه السريعه؟ومن وين أحجزها؟ وكم مدتها؟وكم سعرها لوتكرمت؟
بالنسبه للصرف وش أفضل مكان للصرف جربته ( موقعه)؟
أم الملابس في الفندق هل هي ربيعيه أم صيفية؟
الف شكر وترجعون بالسلامه يارب