حلوو تكمله في فرنسا وتروح كان ونيس تغير شوي ...

أكيد تنزل باريس ماتنعاف
ووممكن تروح بلجيكا وترجع بنفس اليوم لانها قريبه بس لا تروح في يوم ويك اند لانهم يسكرون
وممكن تروح جنيف تجلس فيها كم يوم تبعد عن باريس 3ساعات ونص بالقطار

عنود الرفاع
نورتي
بارك الله بالسائل اللي خلاني نشوفك
اذا انت ما رحت للحين باريس وبراسك العاب روح يورب بارك من محطه ديزني لاند مباشره وتزور بادن
او روح نيس وكان 3 ايام والبقيه كملها في باريس
ولا روح بروكسل وبروج من محطه ديزني اعتقد فيه رحلات مباشره

لايق عليك الدلع
وعنود الرفاع
وفيصل
اشكركم على مروركم على استفساري
وبالنسبة لمحطة القطار الي في دزني لاند هل توصل الى سويسرا
بكره ان شاء الله طالع من الفندق واحدد وجهتي
اشوف وين اروح

لازم تمر باريس اتصور او تغيير في بازل
من عندك فيه رحلات مباشره الي ستراسبورغ وبروكسل وبروج

عنودنا هلا بك حتى لو تاخرتي علينا بس الاهم
ماتغيبين ويلكمو حبيبتي
ومابعد الخبراء راي وفو وكفو عساهم عالقوه

أشوف إنك تروح تبحث عن سكن داخل أحياء باريس ،
وتسكن فيها ، وبعد ذلك تغيّر جو فيها وتتنقل وتستمتع ،
ولمّا يجي يوم الجمعة - مثلا ً - تروح تحجز قطار لجنيف ،
ويكون قطار الصبح ( 7 صباحا ً ) و تروح لجنيف لأي يوم قادم ، مثل : السبت
وتستانس في جنيف و تغيّر جو و ترجع في قطار الساعة 7 مساء ً
أنا عن نفسي كفاني هذا الوقت اللي قضيته في جنيف .. ومنها تشوف البلد
وتأخذ فكرة وما إلى ذلك .
المحطة اللي فيها مكان حجز تذكرة الذهاب لجنيف هي محطة جار دي ليون
التي على الخط رقم واحد الأصفر ومحطة الذهاب لجنيف اللي قبل محطة جاردي ليون بمحطة
او بعدها بمحطة .. لا اتذكر لكن لما تروح انت تسأل الموظفه
هذا ما أرى
والله يحفظكم .

تسلمين حبيبتي شموخ. ويسلم مراقبنا. ماتقصرون حسستوني أني مهمه احم احم

قهر النت حقهم كتب رد ولما اعتمته رجع لي صفحت الفندق
المهم اخواني اشكركم على ردكم على موضوعي
واشكر الاخ ابو شملان على نصيحته وشكلي بعمل فيها
المهم اليوم الصبح وصلت باريس من دزني لاند عبر القطار
وسكنت في فندق
فندق Best Western Premier Elysée Secret العنوان 5 rue de Ponthieu, 08. Champs Elysées
Paris, 75008
فرنسا وحجزت عن طريق بوكنت لمدة 6 ايام ب 1344 يورو
ولكن تفاجئت بالفندق بصغر الغرفه صحيح اربع نجوم وفرشه ممتاز
ولكن ان قهرت جداً من صغرها حتى وانتم بكرامه دورة المياة لا يوجد بها بانيو
ولكن شكلي بطلع منه بكره الصبح وادور واحد اوسع او
استأجر سيارة من افس حولي حصلت واحد وتشتغل فيه
جزائرية واستفسرت منهم ان اخذ سيارة منهم من شارع الشانزلية
واسلمها في مطار شار دي قول لمدة ست ايام
عداد مفتوح ومأمنه تأمين شامل
والسيارة صغيرة تكلف حول 733 يورو
وش رايكم اخذها واطلع إلى جنيف والنمسا واشوف اروبا ؟
خصوصا معي قارمن ومعي جوالي الايفون فيه خرائط اروبا عبر
برنامج النفيقيتر الاوربي
مازلت محتار