مرحبا محبه العرب...
لافيات اكييد احلى من الشانز...لان الشانز اكثره مقاهي ووناسه مو حق الشوبينغ...اللافيات ازعل لو تقولي ما عجبك لانه فيه كل الماركات و اكثر من كذا جديد الماركات يعني النيو نيو...فيه بجنبه البرانتون تقريبا نفس ستايل اللافيات...ممكن تروحي لمجمعات فيها بوتيكات مثل الفور سيزن الي في لادفنس...
بالنسبه للاوت لت الي عند ديزني...محطه الرار الي قبل ديزني اسمه لو فيلاج فال دي اوروب le village val d europe
عتاب صغير و ان شاء الله تتقبليه، المفروض تدخلي المنتدى و تطلبي هالمعلومات قبل سفرك...
بالتوفيق.

عندك بعد مكان اسمه سوق اليهود فيه الأشياء جدا رخيصة ومعظم الأشياء الي فيه نسائي
تأخذي المترو رقم 9 من الشانز من محطة اسمها Franklin D.Roosevelt وتتوجهين كأنك رايحة على الجاليري لافييت اقصد على نفس الخط يعني بس طبعا ماتنزلين في الجاليري لافييت تكملين ع المتروو الين توصلين محطة اسمها Strasbourg Saint-Denis تنزلين عندها وتسئلين عن سوق اسمه ( أبو كير ) بس على فكرة معظم الي يبيعون من اليهود بس انتي ماعليكي اهم شي تاخذين الي تبيه وبأسعار اقل من السوق بكثير
تقبلي مروري اخوكي
حمودي

شكرا لكم انا روحتي جت فجاه وكان على اساس لندن والمانيا وجت باريس في النص فالله يعين
شكرا لكم

محبة للعرب
هلا اختنا و منوره باريس...
ان شاء الله تستمتعين عندنا و لو عندك اي استفسار ما تترددي...كل الاعضاء في خدمتك ان شاء الله...
تحياتي.

عندي اسفتسار كيف اروح للاوت لت في الميترو
بالتفصيل لان سبق قريته فيب المنتدى بس ما فهمته صراحه ..
وللاسف الاسواق لانه عرض الشتى فاشوف كل المحلات نفس الشي ما في فرق بينهم ةما في حاجه شدتني بس اني اروح اشوف هالمكان بس
وشكرا

عشان توصلين الاوت من محطة شارل ديجول اللي عند قوس النصر
اركبي rer a الاحمر تلقين مساره واضح على الخريطه باللون الاحمر
واخر محطه له محطة ديزني
انزلي في المحطه اللي قبل الاخيره
اول ماتطلعين من المحطه بتلقين مجمع كبير قدامك المجمع حليو بس مو هذا المطلوب
الاوت لت وراه على طول من الجهه المقابله واي سؤال حاضرين

]هلا اختي
عندك مركز تجاري اسمه بون مارشيه وايضا شارع افينيو مونتين كله ماركات قوتشي وديور وغيره كثير وشارع روفوبور سان
يوجد فيه محلات ماركات
عندي سؤال اذا ممكن 0 هل التخفيضات بدت عندهم الان 0 لاني مسافره لباريس بعد عشره ايام وسمعت ان التخفيضات
هالسنه راح تبتدي بدري مدري بدت ولا

الاسبوع الماضي كان لافييت عامل تخفيض لمده اسبوع لحقت على اخر يومين
بس ما فيه تخفيضات ملاحظه
لكن اذا هم زي لندن فسمعت في لندن ان في اجازة الحج راح تكون تخفيضات راس السنه لكن مو متاكده
والعروض الان في السوق ما عجبتني كثير اكثرها جاكيتات لكن الناس اذواق ممكن تحصلين حاجه
بالتوفيق لك ورحله موفقه

محبة للعرب
هلا حبيبتي
الله يعطيك العافيه ماقصرتي