على فكره الليسن المحلي ما ينفع لازم يكون دولي.. او بيخلونكم تروحون تترجمون الليسن بالالماني مثل حالتنا........ما اقولكم توهقنا

ليش مافي ولا رد ..
في الانتظار

الحكومه
العاده اذا هم غيروا السياره الى درجه اعلى ماتتحملون فلوس زياده بيكون الحجز بنفس سعر البي ام

صح نفس السعر.. بس نفجيشن المرسيدس مب مثل البي ام ...
وماعندهم ابدا ديزل..واحنا بنظرب خطوط طويله ..بكره ميونخ لزلامسي وبعدها سترازبورغ وبعدها ديفون انترلاكن واخيرا زيورخ.. البترول مكلف هني..
حاولت عن طريق الموقع عند View, modify, cancel your booking ودخلت رقم الحجز ولايميل تطلع لي صفحه فاضيه مايعطيني مجال..
هل في مجال اني اغير الحجز واخذ سياره مثلا فلوكس واجن غولف وبتكون ديزل ماعندنا مشكله برايها جير عادي ..

غريب لك الحق ان ترفضي السياره وتلغي الحجز !
لاكن المشكله عندك البترول البانزين اغلاء شوفي شركه غير عن هذي اشركه او اطلبي فيقس ويجن
الحجم الكلاس الكبير انفي قيتر خيال فيها او اودي A6.
تحياتي

انا جربت نفجيشن المرسيدس ماعلامه شي ....طيب اسلم حل كلمي مكتب التأجير... بالتلفون وعطيهم رقم الحجز وان شاء الله يحصلون لك السياره الي تبين...على فكره حجزك مع اي شركه؟

1. الحكومه


2. هلا وغلا أختي الحكومه .... أنتي حكومه بكبرج مانقدر نقول شي


3. شوفي مكتب يورب كار عجيب ..... مع اني متعامل مع سكست اكثر من مره ..

الحكومه

هلا وغلا أختي الحكومه .... أنتي حكومه بكبرج مانقدر نقول شي

أنا صارت لي نفس سالفتج حجزت من الدوحه من مكتب (( سكست )) أجرت منهم bmw ويوم وصلت ميونخ رحت للمكتب 3 ايام وانا اراجعهم ولا حصلت السياره المطلوبه بس عطوني من مكتبهم اللي في الدوحه ورقه بالمواصفات اللي ابيها bmw + افقيشن + ديزل وقالوا لي ادفع اهناك لا تدفع في الدوحه
والصراحه توهقت يوم ماحصلت السياره لاني بطلع بجوله سياحيه خارج ميونخ .
حتى مكاتب المطار وصلتها وللاسف مالقيت لي سياره ....
وكنت ساكن فندق ميريديان .. وبعدين سالت في الفندق عن مكتب يورب كار قالي اللي في الفندق في محطة القطارات لهم مكاتب لتاجير السيارات ... ويوم رحت لهم لقيت عندهم مرسيدس 220اي
+ افقيشن + ديزل .... وأجرته
ولا كن الحمد لله اني جبت الافقيشن معاي من قطر لانه قالي فيه سيدي الافقيشن مال المانيا فقط
ولانفعني الا فقيشن اللي جبته نفعني وايد لاني طلعت زلمسي وانترلاكن وجنيف وزيورخ ورجعت ميونخ

شوفي مكتب يورب كار عجيب ..... مع اني متعامل مع سكست اكثر من مره ..

عادي تقدرين تكنسلين الحجز منهم .... لازم تحجزين من الفيزا علشان يحجزون على مبلغ يسون عليه بلوك لين اترجعين السياره وعقبها بسبوعين ولا شهر يفكون البلوك على الفيزا ... عقب مايشيكون على اي مخالفات عليها .... أعملي حسابج على البلوك ...
عقب مارجعت حجزت في فندق ماريتيم .. زين بعد الظاهر انه امام فندقكم ماركيور ........ اذا كان قريب الميريديان ...
والله يوفقج وتلاقون السياره اللي تبونها ....ورحله سعيده ..

الفرق بسيط بين الديزل والبنزين العادي ..
0او 20 سنت فقط

1. لكن بقولكم شو السالفه..

السلام عليكم ورحمة الله وبركاته
اشكركم اخواني كلكم على ردودكم..
حجزي مع يوروب كار.. على بالي في مشكله اذا الغينا الحجز بس الحمدالله ما الغينا شي..

لكن بقولكم شو السالفه..

نحن ماخذين عند يوروب كار.. وبصراحه شوي لعوزونا كرهتكم بس طلعنا من عينهم سياره مرسيدس 2007 نحن اول من يسوقها على قولته براند نيو ههه..
جينا اول يوم نبي السياره ..وجايبين الليسن المحلي بس مكتوب عليه بالانجليزي.. مارضو فيه ..وتفاهمنا معاهم ..ٌالو روحو ترجموه بالالماني.. رحنا عند Adac اظن جي الاسم ..وتر جمنا الليسن ب49 يورو ورجعنا لهم.. لكن النحاسه ان الفيزا ما اشتغلت .. وكلمنا البنك في البلاد .. وقالو بتشتغل ع اليوم الثاني فماصار نصيب ناخذ السياره ..رحنا لهم اليوم الثاني و الحمدالله الفيزا شغاله و لكن النحاسه ما اخذنا ورقة الليسن نحاسه نحاسه نحاسه.. انا خفت قلت يمكن الله مب رايد لنا ناخذ السياره خفت يصير شي اذا خذناها ههه تخاريف حريم..
ورجعنا الفندق اخذنا الليسن ورجنا المكتب..يوروب كار.. وللمره المليون زوجي سأل عن سياره ديزل قالو ابدا مافيه..
واخير عطونا مفتاح السياره ولما وصلنا لها لقيناها مرسيدس جير عادي.. ليش ما يعصب السيد حكومي اللي هو زوجي.. ونرجع لهم ويبدلون السياره غصب عنهم ويعطونا مرسيدس C220 2007 توها واصله من المصنع وفوق هذا ديزل..تخيلو انتو..والحمدالله النفجيشن واايد سهل ومافيه سيديات وخرابيط بس سيدي واحد لاوروبا كامله..واختكم اليوم في زلامسي طلعنا من ميونخ وان شاء الله كل التفاصيل بحطها يوم برجع
في تقرير رحلة حكومي و حكوميه لصيف2007
تحياتي