السلام عليكم
بداية بسألكم انا للحين ما حجزت ولا شي والوقت اللي ابيه منتصف جولاي الى بداية اوقست . يمديني احصل حجز طيران وفنادق ولا راحت علي ؟
أنا سويت الخطة اللي ابغاها لكن بداية بسأل عن الخطوط وش أفضل خطوط وهل اذا بنزل بمطار واطلع من مطار غير تكون التذاكر بهالحالة أغلى مما لو انزل واطلع من نفس المطار ؟
عموما هذي الخطه اخذتها من مجموعة معلومات بالمنتدى ( احنا عائلة كبيرة نوعا ما و ندور أسهل التنقلات بين المدن ولا معانا سيارة , و احتمال يكون معانا سيارة بسائقها بناخذه من سويسرا )
( 20 يوم تقريبا ) عليكم توزيع الايام بين المناطق
أول نقطة
سويسرا
جنيف .. لكن ما أحب أسكن فيها وش ترشحون لي السكن يكون وين
1) فيرني فلوتير
2) أنسي
3) أفيان
واذا عندكم خيارات ثانية ممكن تذكرونها مع المسافات بينهم بالوقت
ومنها بنتقل للمدن والأرياف حواليها
ثاني نقطة أتمناها ميونخ لكن ما أدري عن كأس العالم احنا عموما رحلتنا بتكون منتصف جولاي بداية اوقست ( 20 يوم تقريبا )
ولو بروح ل زيورخ كيف أروح لها ؟
وكيف أوصل للنمسا بطريق سهل ؟
معليش أنا فريت المنتدى بس والله تعبت ولا لقيت اللي ابيه أغلبكم يكتب الوصف ويشوف انه سهل لانه سبق وراح للمكان لكن أنا ما زرت المنطقه ولا أعرف شي فيها
فياليت لو تكرمتوا تعلموني سير الخطة بالتفاصيل
لو كان : جنيف ( احد المدن المذكورة بأول الموضوع - انسبورك - زلامسي - فيينا )
يكون سهل ؟ ولا فيه صعوبة ؟؟
حصلت خط السير هذا
بالنسبة للمسافة بين زيلامسي إلى زيورخ بالقطار : زيلامسي>انسبروك 1:50-ومن انسبروك>زيورخ 3:40
كيف أرتب الخطه من أفيان مثلا - إلى زيورخ - إلى انسبورك إلى زلامسي
أتمنى منكم المساعدة ولكم خالص الدعوات ..