:
1-
2- .

الاسكندريه بلدة جميلة جدا واحلى مافيها
بحر الاسكندريه او البحر المتوسط
الجو فيها لطيف جداا معتدل وخصوصا لمااتروح تتمشى على الكورنيش عند ميامي الله الهوى عجيب
والهوى ايهف على ويهك ايرد الروح فعلا الاسكندريه روعة والله انه صار ليي تقريبا ثلاث سنوات ادرس وكل سنه ابي ازورها ماا امل منها وبيني وبينها قصة عشق طويلة خصوصا مع البحر
انت مجرد ماتجوف البحر من بعيد تتامل اشياء حلوة تنسى الدنيا ومافيها
المهم المناطق السياحية في الاسكندريه وايد وحلوة ويبي لك وكت يعني لازم تصحى من الصبح وماترجع الا الفجر ههه
عندك اهم معالم الاسكندريه
المتحف الروماني البريطاني
مكتبة الاسكندريه هي اكبر مكتبة في العالم ومكتبية ضخكة انصحك اتزورها راح تنبهر بجمالها شي موطبيعي
وحدايق القصر (المنتزه)
قلعة قيتباي
متحف المجوهرات يقع في حي زيزينا
ايضا محطة الرمل
والابراهيمية فيها اشكثر محلات تتسوق فيها
وايضا انصحك
اتزور
العجمي والمعموره اماكن روعة بس لاتنسى ماتحمل معاك مزانيه يعني افلوس وايد
لانه تعرف الفلوس اهناك بسرعة اتخلص ماتظل
اذ كان لك فضول تعرف قصة ريا وسكينه انصحك بانك اتزور
منزلهم
جدا رهيب واذ عندك كيمرا صوره لنا
ايضا حديقة انطانويوس جدا في غاية الروعة جمال خلاب
اما من ناحية المولات التجاريه عندك كثير بس انت اختار اختار وراح تحتار
مجمع سموحة سموحة
مينا سنتر
مول الديب يقع في طريق الحرية شارع رشدي
مول الصفوة شارع المينا محطة الرمل
زهران العجمي
زهران مول
وطينية مول شارع شعراوي لوران الاسكندريه
والي احلى من هذا كلة لاتنسى ماتروح
(جرين بلازا ) عجيبة عجيبة
مول الانصار
ومول كارفور هذا المول على مستوى موطبيعي مجمع تجاري ضخم
مجمع كايرو
والحين اليمي يعني المطاعم طبعا بعد هالمشاوير الواحد يتعب ويبي ياكل ميت من الجوع وين اتروح ياربي
لقيتها
مطعم قدوره فيه كل الاكلات الي ماتخطر على البال وخصوصا الاكل البحري
من الجمبري
والاستكاوزا
والسمك الله يوعانه
وعندك مطعم مولتوبيني شارع ارسطو يقع خلف المدرسة القوميه شارع رشدي
وبس هذا الي عندي
ان شاء الله وفيت وكفيت وزياره موافقة الى مصر
تحياتي
مقهوره البحرين
اتمنى لك زياره ممتعة