وينكم يا اعضاء !!
ميب عوايدك يا اخت درعمنا
ربي يسعدكم

موفق ... بس فيه ملاحظة منترو كثيرة 4 ليالي ليش ما تخليها 4ليالي جنيف يوم في جنيف ويوم لوزان ويوم منترو قرى قريبة من جنيف نصف ساعة بالقطار وبعدين انترلاكن يوم قمم ويوم زيورخ ويوم لوزيرن مجرد اقتراح

مونترو اهدأ وافضل بالنسبة لي شهر عسل وجاي من صخب باريس واطلع منها لانسي ومنها لشامونيه
ومنها لجنيف بعد
يعطيك العافية وماقصرت
شاكر لك مرورك الكريم

والله واجد الايام اللي انت موزعها على المناطق بالتخطيط الاول
انا اشوف ان المخطط الثاني روعه صراحه
لكن بنصحك بتوزيع الايام
باريس خلها 4 ليالي ويالله يكفيها
3 ليالي جنيف ومنها تقدر تروح لمونترو
5 ليالي انترلاكن
ليلتين لوقانو
او تخلي باريس 3 وجنيف 4 والباقي تمام

هلابك ..
انا مخلي جنيف 4 ليالي لان يكون ثاني يوم احد !!
ويقولون ان يوم الاحد بأوروبا ملل ؟؟!! عاد مدري وش الصدق
( الا على فكره يعني كل شي مقفل يوم الاحد ولا وش السالفه ؟ يعني انسي ماينفع اروحلها يوم احد ؟ )
طيب وش رايك الخمس ساعات بالسياره الطريق ونيس ولا ملل ؟؟!!
يعني فيه خضار ووناسه واستراحات ومطاعم ولالا ؟
اسف تعبتك

بالنسبه لآنسي ماعندي فكره عنها
وماقد جربت الطريق بسياره .. بس بالقطار
عموما لو تروح لجنيف بقطار افضل اولا الوقت يضيع والمناظر تهبل .. اما بالسياره بتكون انت المسؤول عن الطريق وبتشيل همه .. وغير كذا باريس ماتحتاج للسياره ابد ابد ابد التنقل بالمترو واذا بغيتوا تاكسي مع اني انصح بالمترو .. والتاكسي لأوقات الطواريء مثل وقت مطر او تعب او غيره
وحتى المواقف بباريس بتبلش فيها .. عشان كذا خل السياره فقط بسويسرا استأجرها من جنيف بعد ماترجع من باريس بالقطار

طيب حلوين ..
يوم الاحد كيف وضعه بجنيف ؟
انا ما ماراح اخذ السياره بباريس .. استلم السياره وامشي على جنيف على طول
بس مشورتك للقطار افضل .. بس هل هناك حجم معين لدخول الشنط ( الحجم الكبير من الطقم مسموح و لالا؟؟ هل هناك كيلوات معينه لكل راكب؟؟
الحجز لازم بدري ولا بوقتها ؟؟ كم السعر تقريبا ؟؟
الحين اذا باريس 4 ليالي وش تقترحين زيارات ( مخطط ) بالايام اللي بقضيهاا هناك ؟؟
لاني ما احس فيها شي غير .. جوالة بالباص الاحمر .. الشانز .. نهر السين .. دزني .. فيه غيرها يستحق المشاهده ؟؟
ادري تعبتك بس اللغه يالله يالله تخارجني وودي اكون فاهم كل شي قبل اوصل

عريس جدا .. كم يوم طالع ؟؟
انا 15 ليلة واذا دخلت باريس بتصير 14 ليلة ( بحكم الرحلات )
ودي نستفيد من بعض ..
انا طالع بأكتوبر على مونترو وانترلاكن ولوقانو .. واحتمال ادخل باريس معهم بالبداية .. بس مدري عن الحجوزات فيه ولالا
اذا موافق افتح موضوع ونتشارك فيه انا وياك ونستفيد من الاخوان ..
اما بالنسبه للسويس انا باخذ بسويسرا سياره وكما قال العمده ابو عزيز لي سويس هاف فير
الله يجزاه كل خير

اسرتني بحبها
وانا زيك ان شاءالله باخذ سيارة واخذ السويس هاف فير وربك سميع الدعاء
انا ان شاء الله جدولي بيكون كالتالي :
جدة - فيينا >> يومين
وبعدها باذن الله بالطيارة على زيورخ على ايربرلين وباخذلي سيارة من مطار زيورخ وباجلس فيها كمان يومين ومنها الى انترلاكن 4 ايام وبعدها جنيف يومين (( ومتردد في حكاية جنيف يومين ,,فياليت تقولولي رأيكم )) وباسلم السيارة في جنيف ومنها على بايس بالقطار و6 ايام هناك وبعدها ارجع بطيارة على فيينا وباجلس فيها يوم واحد وبعدها ارجع السعودية ان شاءالله
يعني (( فيينا يومين - زيورخ يومين - انترلاكن 4 ايام - جنيف يومين - باريس 6 ايام - وفيينا يوم )) ها ايش رايكم قوليلي
اما اني افتح موضوع فانا آآآآسف عريس وماعندي افتح موضوع افتح انت موضوع وانا باجي اشاركك فيه