ابو ظبي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في ابو ظبي

انا جاي ابوظبي رحبوا

الطيران العماني

16-11-2022 - 04:44 am

اكيد عرفتوا اني بجيكم .. الف مبروك ياهل الامارات بقدومي ههه
مع اني لي اهل وربع في بوظبي .. بس انا احب اسكن بفنادق .. كنت اسكن بالكراون بلازا بس الحين ارتفع السعر ثلاثة اضعاف .. على شو مدري
المهم بختصر أنا ابغا اعرف اذا تعرفون فندق سعره مناسب يكون السويت حدود 500 درهم او شقه صغيرة لاني بكون بروحي بس ماحب الغرفة وحدها (الاستديو) .. تراني احيد ابوظبي عدل ،، انتو دلوني باسم فندق مناسب وانا بكفي بروحي .. سلمتم ياحبايبي اهل ابوظبي .. فديتكم

التعليقات (4)

اليازي-UAE

16-11-2022 - 07:10 am

ياهلا فيك اخوي
حياك الله في ابوظبي بتنور بوجودك
وارتفاع الاسعار صاير في كل الفنادق مب الكراون بلازا بس الله المستعان
يعني سويت وب 500 ماادري اذا بتلقى هالايام
بس مايمنع شوف وجرب هالفنادق
فندق المها روتانا
فندق الديار ريجنسي
فندق نوفتيل
فندق ملينيوم
موفق بأذن الله
اختك
اليازي

الطيران العماني

16-11-2022 - 08:11 am

تسلمين والله يجازيج خير اختي اليازي عساج دوم بهناء وسعادة

بوسيــــــف

16-11-2022 - 09:12 am

الطيران العماني
والله صدق على شو ما أدري....
الأسعار في بوظبي نار بدون سبب مقنع ... على سبيل المثال فندق الملينيوم وهو 5 نجوم كان سعره العام في نفس هذا الوقت من 450 لين 550 درهم
بس السنه للأسف صار من 700 لين 900
يتفاوت السعر على حسب جهة التخفيض
الله يكون في العون

الطيران العماني

16-11-2022 - 10:13 am

اخوي بوسيف .. شكرا على المرور بس انتو الحمد لله مرفعين رواتبكم .. بس نحن عسى يرفعون رواتبنا بعد
شكلي باخر السفر شوي