هلا دكتور الحب والله يهنيكم ويسعدكم
وان شالله تتوفقون في هالرحلة
وأحسن مكتان لشهر العسل هي النمسا
رحتها انا وزوجي قبل سنة بشهر 4 ميلادي
سكنا بفندق ميركوري ساالزبورغ
وتراها قريبة من المانيا روعه
فيها العديد من الاماكن الرائعة
رحنا القلعة بالتيليفريك ويمديك تشوف نهر يهبل نسيت سالزاك
جلسة رومانسية بصراحة
ويوم تنتهي من القلعة انزل وتمشى على النهر
وفيه حديقة اسمها ميرابيل تهبل تحس نفسك في عالم غير تحس نفسك في النمسا ههه
نصيحة لا تروح قصر الهيلبوورن
لأن زوجتك بتطيح في احراج لأن الماء بيبللها
طبعا هالقصر رحناله وانحرجت بقوة!!!
وفيه كهف نسيت اسمه خارج المدينة الكهف الجليدي بصراحة ما جلست فيه خفت حسيت بضيقة
وفيه بحيرة موندسي هذي اروع بحيرة
ان شالله اكون افدتك بشي

بارك الله لكما وبارك عليكما وجمع بينكما على خير
الله يهنيكم ويسعدكم ان شاء الله ويرجعكم لبلادكم سالمين غانمين
الصراحه ياخوي انا بسافر باغسطس لفينا باذن الله بس انصحك لاتفوت زيارة مدينه هالستات وهي قريبه من سالزبورج يمكن ساعتين جدا رائعه تقدرو تزورو فيها منصه الاصابع الخمسه وتسيرو على منجم الملح وبعد فيها زحليقه قريبه من هناك مرة حلوه انتو استفسروا عنها ان شاء الله اكون افدتك ,,,,, بس اذا مافيها كلفه اخوي ابي اسالك بكم سعر تذكرة القطار من فينا لزيلامسي للشخص الواحد وكمان سعر التذكرة من زيلامسي لسالزبورج وشكرا......

الف مبروك
بس حبيت اسأل لما وصلت المطار مرروكم على الجهاز عشان انفلونز الخنازير ولا لا
وكيف المرض عندهم
ارجوك فيدني لاني مره متخوفه

Am_soso
بالفعل محتاجين اجابه من اللي الان بالنمسا
بلييز ردوا لاتطنشونا

يعطيكم الف عافيه
جميعا
واشكر الجميع على تفااعلكم وسرعه ردودكم
انا ان شاء الله طالع بعد ساعه تقريبا الى سالسبورغ
وجوابا لاخي الذي استفسر بخصوص سعر التذاكر من فينا الى زيلامسي والله سعرها نااسيها ومااذكرها بالضبط
لكن اذكر انها كانت بين 35و 40 يورو للشخصين وغير حجز الكرسي ب 7 يورو طبعا انا اتكلم عن اسعار الشخصين
واما من زيلامسي الى سالسبورغ توني حااجزها الان ب 25.60 يورو للشخصين وماايحتااج تحجز كرسي لانه القطار فااضي وماافيه زحمه
واما بالنسبه لفلونزا الخنازير
اعزكم الله
والله يااجمااعه اني كنت خايف اكثر منكم وتوكلت على الله وجيت للنمسا وتفااجأت ان النااس عاايشه طبيعيه ولا عطووها خبر وفيها سياح كثير من العرب بالاخص الخليجين
ولاشفنا الكمامات الي يقولون عنها والله ابي شخص واحد لابس الكمامه هذي الي نفسي اشووفها ماحصلت ولا واحد
والله الحيااه فوق الطبيعيه جدا
توكلوا على الله وتعالوا شوفوا الحيااه الحقيقيه
والله مبسوطين انا وزوجتي على الاخر
ولامرروونا ابدا على الجهاز الي تقولون عنها في المطاار لفلونزا الخنازير
دعواتكم لنا
مع الف سلامه

الله يوفقك اخوي
ومبروك الف مبروك
اخوي حبيت اسألك عن الجو ؟؟

بالنسبه سالزبورغ 4 ايام كثيرعليها لاني انا رحتلها يوم وبصراحه زهقت مافيها شي والجو كان حار اما الاماكن الي فيها قلعه الموسيقار لاباس فيها وقلعه الملح 65% وانصحك اذا كانت بخاطرك ؟
يوم كافي بالنسبه لالمانيا يوجد بها مارين بلاتز وحديقه انغلش غاردن هذا الي رحتله وانشالله اكون افدتك.........................

أخي العزيز ,,
ياليت تخبرنا كم مصروفك في اليوم .. وتعطينا بالتفصيل لأني خايفه من المصروف انا معاي 20 ألف من غير التذاكر و السكن .
وبجلس عشر أيام فقط بين فيينا و سالزبوج و زيلامسي وميونخ ؟؟