1. خلوني اخبركم بالتفصيل .....ابوظبي كان الجو حر ورطوبة

السلام عليكم
انا اول الواصلين الى اوربا هذا الصيف في زيارة قد تستمر شهرين يعني الرجعه على البلاد في نصف اغسطس ....

خلوني اخبركم بالتفصيل .....ابوظبي كان الجو حر ورطوبة

الاقلاع من ابوظبي على طيران الاتحاد الجميلة من ابوظبي في الواحدة الا عشر دقائق ظهرا ...رحلة عجيبة جدا ....تلفزيون وفيديو وجيم ماتحس بالوقت ..........المهم الرحلة استغرقت من ابوظبي الى فرانكفورت 6 ساعات ....
وصلنا المانيا 6 مساء الغيوم الكثيف والهواء الحلو ......لاتفتيش ولاهم يحزنون شعب مافي اطيب منه .......المهم اخذت الشنط وعلى التكسي حصلت واحد ايراني عايش في المانيا ...وعلى نص المدينة ...المهم كلمة مني وكلمة منه ........قال وين ساير قلتله الرمادا هوتيل ........ضرب بوز .....قال هذا مايصلح قلت كيف ....مايصلح ............قال الايراني هذا ينجلب اخر الليل ....(( )) قال ماانصحك فيه ....وبعد المنطقة اللي فيه مش ولابد يكثرون فيها اصحاب المشاكل ........المهم جلب راسي قلتله شوفني الفندق .........ويوم وصلنا الله لايراويكم شو مستوي جدام الفندق ...................
المهم خبرته وين احسن فندق قال الهيلتون فخم لكن غالي جدا ..........قلت مو مشكلة انا الا ترانزيت الليلة وبكره مغادر الى دولة اوربية ثانية .....وصلنا الهيلتون نزل وشيك معاهم حصلت عندهم حجز لكن غالي ....وبيني وبينكم الفندق يستاهل ............
حجزت جونيور سويت .... دلع نفسك ..... بسعر 219 يورا شامل الفطور ..........
نسيت اخبركم دق علينا مطر صبيب من اللي يحبه قلوبكم ................مع نسمات الهواء البارد ........ياعمري على ها الجو
عموما الصيف هذا راح اتواصل معاكم بشكل يومي اعطيكم تفاصيل تنقلاتي في ربوع اوربا
حياكم الله