ام النواعم
06-11-2022 - 02:35 am
السلام عليكم
كل عام وانتم بخير بعد انقطاع دام حول الاسبوعين
قضيتها في امريكا ..
امريكا رائعه بكل شي .. البلد والناس والتعامل.. فرق شاسع
بين اوروبا وامريكا في وجهة نظري من نواحي كثير .. الا ان لكل
بلد طابعها وروعتها الخاصه .
اسبوعين قضيتها مناصفه بين اتلانتا ونيويورك .. الاجواء كانت
بارده لكن اكثر من رائعه .. انتقلت من هدوء اتلانتا الى صخب نيورك ..
المطار ..
وصلنا مطار جون كينيدي وكان التعامل راقي ورائع من كافه الموظفين اللي
قابلتهم .. سال الموظف اللي يختم الجواز عن سبب الزياره جاوبته وقالي
مرحبا بك في امريكا ورحنا على سير الشنط اخذنا شناطنا وتوجهنا للتيرمنال 3 حيث وجود
دلتا ايرلاينز . شحنا العفش ودفعنا لكل شنطه 20 دولار وفتشونا تفتيش عادي ورحنا
للبوابه ننتظر رحلتنا لاتلانتا .. ركبنا الطياره وكانت زحمه عليها ناس رايحين لاتلانتا وناس رايحين
لسان انتونيو .. تاخرت الرحله شوي لان الاجواء كانت ممطره بشكل رهيب .. لما خف المطر شوي
اقلعت الطياره لكن الجو كان سيء جدافي منتصف الرحله لكن ربي حفظنا ..
اتلانتا ..
بلد كبير جدا هادي نوعا ما خاصه في المنطقه اللي سكنت فيها
مافي ناس تمشي في الشوارع واذا رحت مكان نادرا مالقى تاكسي الا بالطلب ..
زرت فيها مصنع الكولا و جورجيا اكواريوم ورحنا عند cnn لكن مادخلناه . جلسنا بالاولمبيك بارك ..
زرنا اتلانتا ستيشن وهي منطقه مشاه كلها اسواق ومطاعم حلوه اعجبتني .. زرنا برضو فينوكس سنتر
وكان سوق صغير مو كبير مره ..
اتلانتا فيها عدد كبير من الافارقه المسلمين ( اثيوبيين وارتيريين وصادفنا شخص من السودان ساكن هناك)
بحاول احط بعض الصور بس احتاج شوية وقت لظروف العيد
