السلام عليكم
في بوكيت انصحك في فندق هوليدي ان
موقعه رائع ويصلح حق الاطفال فيه غرف العاب وحمامات سباحه خاصه لهم
بس بخصوص الخادمه ماتوقع
اشوف انه ابو 3 شهور الله يخلي لك صغير على السفر
لو تخليه احسن لك راح يريحك
لانه الرحلات متعبه والسفر طويل

الف شكر لك على التجاوب السريع يالشيخ
وبالنسبه للطفل ابو 3 شهور مادري وين ازبنه مالقيت مكان اشوته فيه خ
فلذلك مضطر اخذه معي والمدام قالت انها بتتحمل تشيله وقلت بناخذه عشان نفسح المدام والبنوته الصغينونه
لكن اتوقع لو اطلب من الفندق بيوفر لي شغاله فقط للشيل والحط
تشكر ياباشا

اخوي اس تي اف ردي على استفسارك كالآتي:
1- أغلب فنادق بو كيت جميله ورخيصه ايضا بس احذر من النصب لان بعضهم ينصب عليك ويعطيك اياها بسعر اعلى فسأل اكثر من شخص اما فنادق بوكيت احجز على الفنادق القريبه من الأسوق لان معظمها ممتاز وانتبه من الفنادق اللي في الحارات الصغيره فغالبا ما تكون في حاله مزريه جدا وموحشه وطريقها طويل وانصحك بالحجز وانت في بلدك افضل بكثيير.
2- بتايا لا تصلح للعوائل من وجهة نظري فانا رحت لها وشفت فيها شي ما ينشاف ولكن لا تفوت عليك شنغماي لانها ممتعه وبانكوك عطها اربع ايام للتسوق وانا اقولك اكثر مدينه بتستمتع فيها بوكيت.
3-اما عن الأطفال والفنادق فلا علم عندي بس انا سمعت ايضا ان الفنادق الجيده لديها هالخدمه.
ادخل على مواقع الفنادق اللي حجزت فيها وشف التقييم الدولي لهم وصور للغرف والفندق بشكل عام
ورحلة موفقه وترجع بالسلامه
نصيحه: لا تفوتك جزيرة جيمس بوند في بوكيت واحلام سعيده لصغيركم الله يخليه لك ويخليك له فانتبه توديه معاك جزر هالخرابيط الله يحفظه لك.

أباسهل
الله يوفقك يا ابا سهل ويجزاك الف خير على مشاعرك الطيبه وتجاوبك مع استفساراتي !
اخوي بالنسبه للفنادق للحين ماقررت ميه بالميه تقدر تقول 80% وابي التأكيد من الاخوان بالمنتدي اذا يؤيدوني والا لا !
اول ما اوصل بانكوك راح ابات فيها ليله وحده بفندق Radisson يالسعر 320 ريال سعودي بعد عن بانكوك 8 كيلو ابي ابعد عن الحركات النص كم
وثاني يوم الاقلاع الى فوكت والاقامه فيها 6 ايام الفنادق المقترحه
1- Sheratoon السعر 530 ريال سعودي
2-Movenpick السعر 480 ريال سعودي
3-dusit Laguna السعر 530 ريال سعودي
بعد كذا برجع لبانكوك 3 ايام الفنادق المقترحه
1- Holiday Inn Silom السعر 405 ريال
2- Holiday Bangkok السعر 490 ريال
3-Royal Orichid Sheratoon السعر 540 ريال
بالنسبه شنغماي ماحطيتها بالجدول خايف ابهدل هالبزارين والا لو علي لفيت تايلند كلها ههه
واتمنى الاخوان يساعدوني برأيهم خصوصاً الفنادق في فوكت وبانكوك
بالنسبه لفوكت هل هي قريبه من الشواطيء وموقهها حلو وسعرها مناسب والا لا
وبالنسبه لبانكوك هل الفنادق قريبه نوعا ما للاسواق وبعيده عن حركات النص كم اللي مابدي اشوفها لا انا ولا عيالي
والف شكر لكم جميعا

السلام عليكم
شوف بالنسبه لفنادق بوكيت الشيراتون وموفمبينك ترى مكانهم بعدين عن المركز الجزيرة
انا انصحك تقرب شوي وتأخذ في منطقة الباتونغ بيتش فيها فنادق ممتازه ومنهاالهوليدي ان وغريس لاند و بان تاي
في بانكوك الهوليدي ان ممتاز بس احرص على الي يكون في منطقة الاسواق لانه في اثنين
اسئل عنهم الاعضاء يدلونك لاني ماسكنت فيه

شيخ على ربعة
جزاك الله الف خير ياشيخنا
وراح اسمع بنصيحتك واختار الهوليدي ان لكن هل في الهوليدي ان مسبح خاص ودي اتغطس انا والعيال
وشكراً لك يالغالي

السلام عليكم
أنا من رأي شيخ على ربعة بالنسبة للهولدي ان اللي ببوكيت لأني مجربة أكثر من مرة.
الفندق نظيف وممتاز ويحتوي على غرف العاب للأطفال وجنب البحر وكل شي بتلاقيه جنبك لأنه موقعه ممتاز.بس اتمنى تحصل حجز فيه لأنه حده زحمة

اذا ما لقيت بالهوليدي ان بوكيت
احجز على غريس لاند كوشخةةةةةةةةةةةةةةةةةةةةةةةةةةة مرة