حياكم الله
بخصوص الايام جميع الايام مافيه مشكلة لان اغلب الاماكن مفتوحة
بخصوص مدة البقاء على حسب المزاج يعني في واحد يجلس في الهايد بارك ساعة واخر يجلس يوم
وهذا جدول سياحي في لندن
https://artravelers.com/p/re/395938
اتمنى لكم رحلة سعيدة

هايد بارك ,, في وقت العصر
اكسفورد ستريت ,, من الصبح لين المغرب
نيو واولد بوند ستريت ,, عصر او ظهر
سيلفردج مول ,, وقت ما تبي
هارودز ,, العصر لين المغرب
كوفنت جاردن ,, نهايه الظهر وبدايه العصر في يوم الاحد
بيغ بين,لندن اي,مدام توسو ,, من الصبح لين المغرب
البيكديلي ,, الناس يروحون هناك بالليل

1. الخلاصه سلفردجز و البوند و الاولد بوند كلهم يعتبرون مع الاكسفورد واحد

بالنسبه لاكسفورد ستريت فهذا المفروض يكون زياره يوميه يعني كله سوق و محلات ماله وقت محدد كل واحد و احتياجاته و اللي يحبه .. سلفردجز اهوه محل متعدد الاقسام و الطوابق مو مول مول .. و يقع بالاكسفورد ستريت يعني مع الاكسفورد ..
الاولد بوند و النيو بوند كلها شوارع متفرعه من الاكسفورد و امتداد لبعض يعني كله يعتبر مع بعض ما يتقسم كل واحد بروح لكن البوند عباره عن محلات ماركات غاليه فقط مو اي محلات مثل اكسفورد ..

الخلاصه سلفردجز و البوند و الاولد بوند كلهم يعتبرون مع الاكسفورد واحد

الهايد بارك كل واحد و مزاجه .. اذا معاك عايله و يعال و جماعه و بتبسطون و اليعال يلعبون و جذي غير اذا واحد بروحه و الا شباب بروحهم و ريال و مرته بس .. ايضا مزاج الشخص في ناس تحب الحدايق و البحيرات و الطبيعه و التمشي و تقضي ساعات فيها و ناس نص ساعه و تطق جبدها و تبي ترجع للسوق و اللويه و الزحمه ..
هارودز ايضا حسب انت تبي تتسوق فيه بتقضي ممكن نص يوم تتمشا فيه لكن واحد ما يبي يتسوق و لا يشتري بيدخل يتغدا و الا يقعد بكوفي شوب و يطلع
كوفنت قاردن صراحه يبيلهاا صبحيه و خاصه يوم السبت عشان البسطات و العروض تكون موجوده .. يعني من 10 الصبح الي 12 او 1 زين .. و اذا بتغدون هناك لي 2 طبعا هذي اذا اول مره تروحون لها .. لكن اللي رايح لها لا ساعه يتمشا فيها و خلاص و يقعد بمطعم او كوفي شوب
بيق بين و النهر و لندن اي كلها واحد .. تقضي فيها عصريه .. تركب اللندن اي اذا مو مجربها من قبل مع ام الكثير يشوفونها مضيعه للوقت و ملل .. تاخذ لك لفه رحله نهريه بالنهر و تصور عند البيق بين و خلصنا
مدام توسو طبعا اذا مو رايحله من قبل بتقضي فيه حول الساعتين
البيكاديلي انتو عايله و الا شلون؟

alkuwaitia
ايه حنا عائلة