والله نفسي اروح تايلند بس صديقي مايبي يروح لانه راجع من شهرين من هناك
ياليت لو واحد عنده مكان ثاني او تجربه ياليت يفيدنا..
انتظركم

مرحبا اخوي
بنسبة لي مافي شي اسمه مكان لشباب ومكان للعائله لان الموضوع يرجع لك انت وانا اشوف ان الميزانية هي الي اتحدد وين اتروح
بنسبة لتايلند فاذا كنت سعودي فهي ممنوعه على السعودين وحاول تتاكد من الجوازات
وبنسبة لدول الثانية فهي وايد ماقدر اقولك اوربا لان ميزانيتك ابدا ماتسمح
راح اقولك الدول الي ميزانيتك ممكن اتناسبها وهي بيروت او القاهرة وشرم الشيخ او ماليزيا لو زدتو الميزانية اشوي او دبي او تركيا لو زدتو الميزانية اشوي او اندونيسيا و سيريلنكا وممكن الميزانية اتكفيكم اهناك تقريبا هاي الدول الي فيها سياحه واتناسب ميزانياتكم وممكن المغرب بس بعد زيدو الميزانية اشوي لان لاتنسى التكت بياخذ نص الميزانية ومن غير باقيلكم سكن ومصروف
واي استفسارا حنا بلخدمة

اذا تبغى تروح مدن فبها أنشطة ترفيهية تصلح للشباب عندك
دبي وشرم الشيخ وجزيرة بالي وبوكيت
حاول تروح للمدن او الجزر السياحية

اخوي الراي ما يجي الا اذا عرف تفكير طالبه
الان انت يعجبك الجو والحياة ولا المناظر والطبيعة
ابي اقولك حسب ما جربت انا
رحت لشرق اسياء اوروباء وشفت الحياة فيها
الطبيعه فيها فرق بسيط بس المصاريف فرق باهض
بخصوص الطبيعه كلها خضره بس اوروبا فيها ترتيب رباني وجميلة
شرق اسياء ما فيها اهتمام ولا شي
وخلك من الدول العربيه لانها مو حلوة ابد
ولكن الفرق بين المصاريف وعلى كلامك انت تقول
ما معكم الا 15 الف يعني ما توفي الا اذا افتكيتو من السكن
وفيه طريقة انا جربتها مع احد الشركات
يقلل عليك التكاليف بخصوص السكن والاكل وانا مستمر فيه لحد الان
بطاقة premiumclub
هذي شركة تعطي تخفيض على السكن والاكل بس لا تقول عن مدتك
انت قول ابي اسافر وبس وبعدين احجز اربع ايام ومدد بعدين
الخصم خمسن في المية وغير الاكل عشرين في المية
انا جربتها وحسيت الفرق بين قبل ما اخذها وبعد ما خذتها

• *قوانين الكتابة في المنتدى تمنع ادراج الأرقام الشخصية **

الف شكر لكم اخاوني عالردود الحلوة..
واخوي ( حلو ومدلع) انا اماراتي وبعد مشاوره صديقي يمكن نرووح -- تايلند-- بس عطوني رايكم ؟؟
والمده ممكن نخليها اسبوع والميزانيه 10 الي 15 الف درهم.
شاكر لكم ردودكم وطامع بالمزيد من الاستفسارات والفائدة..

ماتبو واحد معكم على تايلند؟؟

مرحبا اخوي
اختيار حلو بنسبة لبانكوك انا ماعجبتني وايد بس سمعت ان الجزر حلوة وايد
وان شاءالله تستمتعون اهناك وانصحك بزيارت البوابه التايلنديه واكيد بتستفيد

mohluv
هلا وسهلا فيك بينا اخوي