هلا اخوى ماشاءالله الله يوفقك
انا ولد خالى في دبلن وانا ان شاءالله قررت انى اسافر ابي ادرس لغه بس المشكله الفترة هذي ما اقدر
لان عندى اشغال كثيره ان شاءالله في شهر 2 سنة 2010 راح اجي دبلن
ممكن تقولى من اي مكتب سجلت وكم كلفك وهل ساكن انت مع عائله ولا بروحك ؟؟؟ ابي بيانات كامله ممكن
وكم شهر بتقعد وشلون لغتك الانجليزي تعرف شئ ولا صفر

dani2000
حياك الله اخوي
اللغه في دبلن جميله جدا والاستفاده فيها كبيره ، وانا مبعوث من احدى الوزارات ، والحين ساكن عند عايله في دبلن ، العايله مفيده جدا لطلاب اللغه خصوصا انهم يحسنون لغتك وتستفيد منهم واهم يوفرون لك الاكل وغسيل الملابس وكذلك ترتيب الغرفه ، العائله تكلف بالشهر ما يقارب 300 دينار كويتي ، عموما اهي افضل من الشقه خصوصا ان الشقق في دبلن تنطلق من 350 دينار وفوق ( هذا لشقه صاله وغرفه وحمام اجلك الله ومطبخ ) طبعا هذي للشقق البسيطه ، اما الشقق الفخمه فتبدأ من 450 وفوق
إذا كان ودك تدرس لغه فا من افضل معاهد اللغه هو ال ces والواقع في شارع ديم ستريت
وهذا المعهد متميز ويوصل اللغه الانجليزيه ببساطه وتستطيع حضور حصص دراسيه قبل ان تدخل لتعرف مستوى المعهد
عموما تكاليف المعهد لمدة 3 اشهر مابين ال 1500 إلى 1850 دينار
وايضا معهد ال ucd ( بالنسبه للمعهد لا اعلم كم يكلف الدراسه فيه )

rings
الله يجزاك خير يا بعد قلبي والله
اخوى العائله تتكون من شنو يعنى فيها جهال مزعجين ؟؟؟ الشغله الثانيه هل هم عنصرين وهمهم بس لفلوس لان سمعت اغلب العوائل بس يهمهم الفلوس ابي المعامله زينه حيل؟؟؟ والشغله الثانيه مو كانها غاليه بالشهر 300 دينار يعنى تقريبا 1000 دولار واجد ؟؟؟
الشغله الثانيه شلون مستواك بالانجليزى قبل لا تروح كم بالميه؟؟؟

هلا اخوي ،، في تجمع تقريبا للشباب السعودي مع الكويتي تقريبا ،، كل جمعه تقريبا ،،
واذا عندك اي استفسار انا حاضر ،،

dani2000
هلا اخوي
ماسوينا شي الله يسلمك
بالنسبه للعوائل تختلف من عائلة إلى اخرى من طريقه المعامله وجذي
وفي عوائل عندهم اطفال وعوائل فقط العجوز والشايب وجذي
يعني في عوائل ترتاح منهم وفي عوائل ما ترتاح منهم يعني انت وحظك
اما من ناحية الغلاء فا اكيد انها غالية خصوصا ان دبلن تعتبر ثاني اغلى عاصمة في اوروبا
حتى انها اغلى من لندن بنفسها ، لكن هذا ارخص سكن راح تلقاه على فكره
ممكن تلقى شقة و سكن بعيد عن الستي سنتر وممكن السكن مو ذاك الزود يمكن من 220 إلى 250 دينار كويتي
وعلى فكره الاكل وغسيل الملابس عليك هذا للشقه
اما العائله فا الاكل وغسيل الملابس عليها ، فا احسن خيار لك انك تسكن مع العايله
بس لا بقيت تسكن مع العايله لا تقولهم ان عندك فلوس علشان لا يطمعون فيك قولهم انك جاي على حسابك والديره غاليه وفلوسي بال يالله تكفيني
اما العنصرية الحمدلله إلى الآن ما شفت عنصريه والشعب الايرلندي حبوب و طيب إلى اقصى الدرجات واهم افضل من ناحية المعاملة من الشعب البريطاني
اما بالنسبه لمستواي فا انا الحمدلله مستواي جيد واطمح إلى ان اكون في المستوى الممتاز وان اتقن الاكسنت الايرلندي
على فكره احسب حسابك ان مصروفك الشهري مع العايله راح يكلفك مو اقل من 500 دينار كويتي شهريا
وهذا يعتمد على نوعية شخصيتك إذا تصرف واجد او تتسوق و ,,, الخ
اخيرا إذا بقيت قبول في معهدي اللي انا ادرس فيها فا انا حاضر

سعودي ايرلندا
هلا فيك
اخوي إذا تستطيع ترسلي على الخاص تجمع الشباب ، اكون شاكر لك

اللي يبي عايلة ايرشية يكلمني

اخوي مكان التجمع يكون في جامعه dcu يوم الجمعه