هلا أختنا
أهم الأماكن السياحية في بينانج :
1) النشاطات البحرية في (شاطيء باتو فرينجي ) ... وفندق البارك رويال يقع على هذا الشاطيء
2) زيارة الحدائق ( التوابل - الفواكه - النباتات - الفراشات )
3) هضبة بينانج .. والصعود لها عن طريق عربات ..
4) بحيرة ( أرتيم ) رائعة وساحرة جدآ ... أنصحك بزيارتها
5) زيارة منطقة ( جورج تاون ) قلب بينانج النابض وفيها كل الأسواق والمطاعم والمراكز التجارية
6)زيارة المتاحف والمساجد ... أسأل أي تاكسي راح يوصلك لها بأذن الله
7) رحلة بحرية إلى جزيرة القرود ... وهي تشبه رحة المانغروف في لنكاوي
8) هناك جزر قريبة من بينانج .. منها ( بينار ) إذا عندك وقت روح لها ... وإذا ماعندك وقت لاتروح عادي

يعطيك العافية اخوي
طيب بالنسبة للوقت. يعني افضل وقت للزيارة
لما كنا في لنكاوي رحنا رحلة للجزر ولما وصلنا كانت مقفلة حق التجديف في الموية
وحديقة الطيور كمان

انا جلست فيها 4ايام
وبصراحة كان نظامنا
بعد الافطار الى الساعه 10 سباحة بمسبح الفندق وهو كبير ونظيف
ثم
الالعاب المائية جت سكي وبراشوت وبنانا الين العصر
نطلع نريح شوي ونلبس
وبعدين نروح لمنطقة مااعرف اسمها فيها مطاعم عربية وسوق مفتوح اتوقع اسمة السوق الليلي
وزرت مول حلو فيه مطاعم عالمية ماكدونالديز وتشيلز الاسم مايحضرني ياليت احد يذكرني فيه
يعني صراحة البحر والالعاب تغني عن كل شي
لان الحدائق زي بعض تكفي اللي في كوالا
وبالليل نسهر باللوبي
مووفقين

زي ما قالك تلومني الدنيا انا قبل اربع ايام كنت في بينانق الجولات عشر ساعات ومادري كم مرهقه جدا الحدائق روحها في كوالا وفي جنتنق بينانق استمتع بشاطئ باتو فرينجي وروح لهضبة بينانق مره حلوه ومجمع كوينزي اخو الي اتوقع تقصده يا تلومني الدنيا وفي بينانق لا تضيع عليك اجواء النشاطات البحريه جتسكي براشوت خيول رحله بحريه وفيه عندك مطاعم حلوه في شارع باتو فرينقي عمر الخيام والطربوش ولبنان طبعا ما ادري وين ساكن انت انا كنت في الباتو فرينجي نفسه في قولدن ساندس وروح القهوه والشوكلاته وروح المعبد اذا لك حب اطلاع اهم شي انا انصح بعدم الارهاق كثير تخيل عشر ساعات تلف وش بيصير فيك هذا رايي المتواضع

مشكورين اللي ردو صراحة النشاطات البحرية عندهم مرة جنان جربنا البرشوت والبنانا بس زوجي تجرح من البرشوت وحرمها

السلام عليكم ورحمة الله وبركاته
اذا ناوي تشتري هدايا وتتسوق من السوق الصيني انصحك تتقضى من بينانق افضل مليون مرة من اللي في كوالا لايفوتك
ولا يفوتك مصنع القهوة اللي في بينانق تراه افضل بعد من اللي في كوالا
والله يسعدك يارب