قوة شلونكم امس كنت بينكم بالكويت والخليج واليوم بعيدة عنكم
قلبي معورني ابي امي ابي ابوي ..بس مابي زوجي لأنه معاي
احنا الحين في اورلاندو ابيه لا موصج للحين مو مصدقه لأنه مافرق عليي شي اسلوب الحياة
عندهم نفس اسلوب حياتنا في الكويت الشوارع السواقه للحين ماحسينا انه صج مسافرين بلد بينها وبين الكويت المسافة هذي كلها .... وبالنسبة للجو صراحة وايد عاجبني لأنه حتى لو حر مو بحرارة ديرتنا الله
يحفظها وحتى لرطوبة منو قال انها برطوبة الامارات لا وايد اخف اصلا مانحس فيها وايد لانه في هوا وبالليل الجو مو صج وايد حلو امس رحنا ديزني داون تاون واو رهيب و اول امس رحنا انترناشونال درايف كلش ماعجبني
واليوم اول ايام استمتاعنا باورلاندو بنروح ان شاءالله يونيفرسال ستيديو ..
بس سؤال عن فلوريدا مول امس رحنا له ولقينا مراكز كبيرة مثل سيرز جيسي بيني و تويز ار اس .... وغيره لكن كل محل بعيد عن الثاني يعني مو مركز واحد مسكر وكل المحلات فيه هل هذا اهو ولا في غيره؟