- السلام عليكم ورحمة الله وبركاته
السلام عليكم ورحمة الله وبركاته
كيف الحال أعزائي أعضاء المنتدى... أبغا مساعدة وأعرف ان مستحيل أحصل مساعدة أفضل من مساعدتكم
أبغا أسافر أنا وزوجي لمدة 14 يوم (8-22 يوليو) وميزانية سفرنا بحدود 4000 يورو ... ما يقارب 19800 ريال سعودي ... وطبعا احنا كل سنة نسافر عن طريق مكتب سياحي ولكن السنة هذي نبغا نحجز كل شي بلحالنا.. بس من جد مرة محتارة في الاختيار
قبل شهر اخترنا اليونان وعملت برنامج في أثينا- مايكونوس وسانتوريني وشيكت على حجوزات الفنادق والطيران والعبارات... بس الحين في ناس ينصحوني أغير وجهتي لعدة أسباب أهمها انهيار اقتصاد اليونان وقالوا ان هالشي راح يخلي كل البضائع والخدمات عندهم غالية مرة... والسبب الثاني ان جوها حار شوي... وسؤالي الحين يا اعزائي: وش رايكم؟ هل صحيح انهيار الاقتصاد يأثر على كل شي؟ وهل جوها حار مقارنة بدول الخليج؟؟؟ تكفون ردوا علي....
طيب وإذا حبيت أغير وجهة السفر... وين أحسن مكان بميزانية هذي؟ نصحوني كثير باسبانيا والبرتغال وهولندا وهونج كونج... أنا ابحث عن مكان جوه بارد وسعره معقول وتكاليف الحياة اليومية (التكاسي والمطاعم) معقولة... وين تنصحوني؟؟ أنا سافرت قبل كذا شمال ايران وتايلند وماليزيا وسنغافورة واندونيسيا وأبغا شي جديد... تكفون تكفون تكفون ساعدوني الله يجزاكم خير... واللي سافر قبل كذا مكان واعجبه وبميزوانية قريب من ميزانيتنا الله يخليه يحط لنا البرنامج تبعه...
ترا والله معتمده الله ثم عليكم... وأبغا رد سريع عشان أحجز اليوم أو بكره بالكثير....
