السلام عليكم اليوم كان موعدي الساعه 11 صباحا في السفارة لاستخراج الفيزا
علما بان سفري بيكون تاريخ 27/8/2012 الى ميونخ
طبعا انا رحت 11 الا ربع
ومحد كان في السفارة الا انا وزوجتي
والامور كانت جدا سهلة والحمدلله ..
بلا تعقيدات ولا عوار راس مثل ما اقرأ في بعض المواضيع
جدا محترمين ولبقين ويعتذرون على اقل شئ والابتسامة ماتفارقهم .. من الحارس الى الموظفين
طلبوا مني الجواز وعطيتهم
وقالوا لي اول مرة تسافر المانيا
قلت لهم اي
قالوا لي .. عاد ان شاءالله ماتكون الاخيرة
قلت لهم اكيد ان شاءالله كل سنة بنروح
قالت لي عطني اوراقك
طبعا انا ماتم شئ مايبته
لكن عطيتهم
1- تذاكر السفر
2- حجوازات الفندق من موقع بوكينج
3- كشف حساب لاخر 3 شهور
4- صورة خلفيتها بيج حسب اللي طلبوها من الموقع لي ولزوجتي
5- التأمين لمدة 15 يوم
قلت لها هذا كافي ولا بعد .. شافتهم قالت لا بس هذا كافي وزيادة مع ضحكة خفيفة
عطتني ورقتين لي ولزوجتي انا اوقع عليها والثانية زوجتي وقعت عليها
وعطتني موعد تاريخ 12/7/2012
يعني عقب 4 ايام فقط
ودفعت 56.600 ثمن عدد 2 فيزا
يعادل 566 ريال سعودي
وقالوا لي تعال تاريخ 12/7/2012 عقب اربع ايام الساعه 12 الظهر واستلم الفيزا
وتحياتي لكم