السلام عليكم ورحمة الله وبركاته
بصراحه صار لي مده وانا من موقع إلى موقع في ذا الطيران ابحث عن حجز وبصراحه استغربت من موقع شركات الطيران يعطيك سعر عالي..
اليوم رحنا للمكتب في الرياض انا ومعي 2 من ربعي وسألنا عن الاسعار وحصلتها جدا معقوله مقارنه بالنت
طبعا الحجز يوم 29/10والعوده يوم 20/11 يعني مايقارب 3 اسابيع
المهم ماطول عليكم
الطيران السعودي فيه ذهاب بس العوده عن طريق جده بسبب الحج ولا حصلنا حجز للعوده قلنا خيره لاننا اصلا شايلين فكره الطيران السعودي للابد
المهم قررنا على الاماراتيه وكان سعرها 2450 ريال سعر جدا ممتاز
الذهاب يوم 29/10 والانتظار في المطار بدبي 4 ساعات يعني ممتازة...والعوده انتظارها طويل حدود 9 ساعات بس ماعليه...
على العموم حنا 3 وابي فزعتكم في الاتي:
# القطه 5 الالف يعني المجموع 15 الف هل هي بشكل عام كافيه رغم اننا ماعندنا لف ودوران يعني حقين تمشيه وننام بدري...
# حنا نزولنا في جاكرتا راح يوافق يوم خميس هل نسكن في جاكرتا حتى ينقضي الويك اند وننزل للجبل او نروح للجبل على طول..
# حنا نرغب في زيارة جاكرتا والجبل وباندونق...ولو حصلت بالي يومين مهيب شينه,, ودي تقسمون 3 اسابيع على هذه المناطق..
# وش رايكم في شقق الالسون,,,قد سكن فيها واحد من ربعي ويمدحها يقول الامن فيها ممتاز..
وشكرا لكم وإذا تذكرت شي ماراح تقصرون ان شاء الله