1. 2- كم كل واحد يأخذ معاه فلوس نقدا طبعا غيرالبطاقة الأتمانية


2. 5-الأماكن الحلوه والي تنصحون لنا فيها ( السكن والسياحة )

وعليكم السلام ورحمة الله وبركاته
راح اجاوب على بعض الاسئلة اللي اعرف وان شاء الله الباقين يفيدونك باكثر
1- الفيزا التشيكيه ( شنقن ) تدخلنا لأسبانيا ولا لا
للأسف ما اعرف ولكن اتوقع ايوه لكن اللي اعرفه ان التشيك لسى مادخلت في الاتحاد الاوربي لكن اذا كانت شنقن فأتوقع تدخل ماعندك مشكله.

2- كم كل واحد يأخذ معاه فلوس نقدا طبعا غيرالبطاقة الأتمانية

بالنسبة لي اخذت 1000 يورو والحمد لله كفتني اذا كنت شخص واحد . والباقي استخدمت بطاقة الائتمان .. نصيحه صغيره اذا قال لك بتدفع بعملتك الخاصة او اليورو ببطاقة الائتمان قل باليورو .. لأن سعر الصرف عندهم للريال السعودي اعلى من سعر الصرف في البنك حقنا.
3- 12 ليلة في أسبانيا والي راح تكون مقسمة على مدريد وبرشلونه وجزيرة ايبز وملقا وماربيا كافية ولا لا ,, واذا حبيتو قسموها لي بليز
2ليله كويسه بس اكيد ماراح تخلص الاماكن السياحية كلها فيها .. لكن نصيحه لله في الله لا تجلس في ماربيا .. انا ندمت على جلوسي فيها 4 ايام .. لكن يمكن اهتماماتك غير اهتماماتي .. كل مافيها شاطئ واستعراض يخوت وسيارات واسواق و مطاعم .. لكن من ناحية منتزهات وفله مافيها ذاك الزود الا اذا كنت من ذوي الملايين .. والافضل انك تسكن في ملقا (حلوه ) وتروح لماربيا بالباص او تستاجر سياره ولا تبعد عن ملقا الا 57 كيلو تقريبا يعني نص ساعه او ساعة الا ربع وتوصل لها .. ماهي بعيده مره .
جزيرة ايبز مارحت لها ولا ادري لكن اتوقع انها مثل مايوركا .. والافضل تقضي اغلب الوقت في المدن الرئيسية مثل برشلونه و مدريد والباقي يومين تكفي لهم .. لكن اهم شئ تروح لغرناطه وقصر الحمراء مره شئ ثاني

5-الأماكن الحلوه والي تنصحون لنا فيها ( السكن والسياحة )

كل شخص تختلف اهتماماته عن الثاني .. بالنسبه لي مدريد لازم تاخذ الباص السياحي وتعرف الاماكن وتشوف كل شئ فيها بعدين تقرر وش تروح له . كذلك في برشلونه..
ملقا عندك قصر القصبة والقصر الروماني وميناء ملقا خصوصا بالليل شئ ثاني .. وملقا اذا انت راعي رياضه ممكن تتمشى فيها على رجولك طبعاً اذا الفندق حقك داخل المدينه او على الشاطئ . صغيره مو كبيره مره والاماكن السياحيه جنب بعض .
في ماربيا .. ميناء بانوس

انا كمان انصحك تسكن بمالقة و تروح ماربييا بالباص مالقة احلى و كل المناطق المذكورة حلوة و ممكن تزورو بويرتو مارينا ببنالمادنا انا اعيش بمالقة اي استشارة عن الفنادق و موقعها ممكن افيدك
اما عن ابيزا فهي اساسا للسهر

كلام الاخواه فوق جميل جدا وصحيحايبيزا لو خحاب تروح اسكن في فندق Garbi او عموما خلك بالساحل الشرقي اللي بجنب المطار لانه هو الزبده .. طبعا الديره كلها سهر وفله وتحتاج تستاجر سياره كشف راح تنبسطون فيها وارخص من كثرة التكاسي
نصيحه صغيره اذا قال لك بتدفع بعملتك الخاصة او اليورو ببطاقة الائتمان قل باليورو .. لأن سعر الصرف عندهم للريال السعودي اعلى من سعر الصرف في البنك حقنا. : انا اختلف مع هالنصيحه لان لما تدفع باليورو ,, بنكك بالسعوديه بيزيد عليك اثنين بالمئه رسوم تحويل وصراحه كثيره ,, ادفع بالريال من هناك احسن