معقوله محد مسافر على بانكوك اير لاتخرعوني

طيران معروف ومجرب وممتاز ولاتحاتي ابدا
صحيح طيارتهم صغيرة وهذا بسبب ان رحلاتهم توصل الى اماكن ماتوصلها اي طيران ثاني
خدماتهم ممتازة ولهم صالات خاصة فيهم في المطارات
لايوجد سبب للخوف سوى الخوف من الطيران عموما
دولي

السلام عليكم :
بانكوك اير من افضل الخطوط الداخلية في اسيا و حصل على جائزة من السكاي تراكس كأفضل طيران منخفض التكاليف في اسيا
انا سافرت عليه ..... وكانت الخدمة اكثر من روعة حتى انا سافرت على البيزنس كلاس عندهم و الرحلة كانت كثير مريحة
نوع الطيارة ماله دخل بالسلامة ................ حسب خبرتي كمهندس طيران
واعتقد الرحلات الى كو سمووي تكون على الطيارات الصغيرة لانه مطارهم ما يستقبل طيارات كبيرة الحجم

انا طاير عليه طيران محترم وضيافه ممتازه
طبعا حجزت بالنت وبالبيانات حطيت مسلم
وصلت هناك وصعدت الطياره وقعد بالكرسي وجتني المضيفه قبل لاتقلع الطياره وقالتلي انت فلان الفلاني
قلت لها نعم
قالت اوكي وراحت ولما وزعوا وجبات جابت لي وجبه بروحي قالت هذه وجبه اسلاميه اللحم حلال
ماتدري اني مو يم وجبتهم لان القلب يكون داخله حفله طبول من الرعب لاني بشكل عام مااحب الطيران
لظروف واجهتها برحلاتي وتعقدت منها المهم الطيران بشكل عام فوق الجيد عن تجربه وهو بالمرتبه الثانيه بعد التايلنديه وتحته الاسيا اير

أنت لو تشوف الطيارة إلي طلعنا عليها من جاكرتا إلى بالي باص خط البلدة
لاكن دام هم يركبونها يعني أهل البلد أبخص بأمروهم
قبل الوصول للمطار خذلك وجبه ثقيله علشان تصبرك عن الجوع لين تاصل
لأن وجباتهم بالطيارة لك عليها تعور البطل أكثر من أنها تشبع
خذلك عصيرات معلبه وفطاير و كاكاو أحتياط حطها في شنطة اليد معك بالطيارة
بعض التفاصيل صغيره لاكنها مهم وقت الحاجه
تروح وترجع بالسلامة

مشكورين و ماقصرتو كفيتو و وفيتو
اخوي كنج 1 : يصير ادخل معاي سوائل ؟؟؟؟
على بانكوك اير ؟؟؟
لانه انا معاي طفل رضيع فاذا يصير اخذله من المطار ماي و عصير !!!!

nafol
ماأعتقد فيه طيران بالعالم يمنع انج ادخلين سوائل وخصوصا للطفل!

طيران جيد وحلوو تقزيره يعني مثل طيران الجزيره عندنا بالكويت بس يقدم وجبات توكل علي الله

طيران جيد
يوجد عندهم طيارات عادية وطيارات مراوح
وانت وحظك