سؤال أخر : أنا جوالي جالكس أس تو وهل هناك شرائح نت مفتوح وكيف طريقة أستعمالها لأن النت بصراحة أساسي بالنسبة لي
والله اني عارف أني كثرت عليكم وهل هناك مشكلة بأخذ اللابتوب والجوال شاكر مقدما لأسهامك بما خطت أناملك بنفعي ونصحي والي جميع أعضاء المنتدى ومشرفيه

تايلند وحدها تكفيك وانصح بقضاء الايام كلها فيها والغي الهند وسيرلانكا ،،
المصروف اليومي تعيش فيه ملك 100 دولار فقط
توزيع الايام لرحلة 40 يوم :
5 شانقماي
5 كوه ساموي
0بوكيت
2بتايا
8 بانكوك
تايلند لا حاجة فيها لبرنامج سياحي من شركات ،، انت بنفسك تقدر تسوي برنامج الخاص من خلال الاطلاع على تقارير الاعضاء المصورة في القسم العام او قسم تقارير تايلند وراح تاخذ فكرة كاملة عن البلد الرائع كفاية انك فقط تروح للكشك السياحي تشوف عشرات الرحلات السياحية والبرامج ما عليك الا الحجز والدفع وانتهى الموضوع ..
الخطوط اللي اسعارها مناسبة وانصح فيها ومرتبه من الافضل الى الاقل مستوى هي :
طيران القطرية
طيران الاتحاد
طيران العماني
طيران الخليج
وبالنسبة لخدمة الجوال والانترنت ،، موجوده لا تحاتي اول ما توصل المطار تقدر تشوف اي شركة اتصالات وتقدر تاخذ الخدمة وباسعار تنافسية ،، وانصح بشركة : truemove
جربتها للبلاك بيري وكانت ممتاز وتغطي كل مناطق اللي زرتها بتايلند ،،

أشكرك بكل حرف خطت به أناملك
وعندي بعض الأستفسارات بكوني قرأت كثيرا من أسهاماتك برق هذا المنتدى
وكسبت به قلوب تجوب أنحاء تايلند بنصحك وأرشادك لاحرمت أجر أبتسامتهم (ن) ولد_البحرين
أنا جوالي جالكسي زي الأي فون ويهمني النت وأيضا الاب توب معي كونكت باند لوكس أبي اركب عليه شريه غير شريحه الجوال
النت أساسي بالنسبة لي
رأيك يهمني جدا هل أسكن منتجعات أم فنادق ام تختلف من منطقه لمنطقه منطقه تفضل أسكن فيها منتجهات ومنطقه فنادق
ملاحظة : أذا كان هل لو أستطعت أن أزيد عن الأربعين يوم بماذا تنصحني لاحرمتك
يارب يوفقك ويساعدك ويشرح صدرك ويرزقك وكل مان تخط أيادية لمساعدة الأخرين
دمتم بود
همسة : أن سمح لي المشرفين هل يوجد زواج هناك بالحلال وذا لك تجربة تهمني لأنني لست من يقبل غيرها
الشكر لكل القائمين على هذا المنتدى والمشرفين وأعضائه الكرام

اخوي اذا تبي تروح عزابي ومامعاك احد
احجز من ديرتك التذكره فقط روحه ورجعه
واذا وصلت بانكوك كل شيء وهذي حط عليها اكثر من خط .. راح تلقى كل شي قدامك
الفنادق بتلقى مكاتب للحجز في المطار وكذلك الطيران تقدر تحجز
انا من رأيي انك اذا بتوصل لبانكوك .. اول ماتوصل تحجزلك فندق حلو ومحترم لمدة ليله في بانكوك ، والسعر مايتجاوز الى ريال
وبعدها شوف اذا تبي تطلع على بتايا او تاخذ طياره الى بوكيت او كوه ساموي او شنغماي
يعني انت اخذ تصور عن المدن المعروفه ،، واذا وصلت قرر
والمصروف ماكل شارب ورايح جاي مايتجاوز دولار هذا اذا تبي تبطر عمرك
والقرار لك
تحياتي

Stranger Man
أشكرك بكل حرف خططته ،،
هل المائة دولار شاملة السكن أو بدونها ؟

100 دولار غير شاملة السكن ،، وهذي تكفيك طول اليوم وتزيد وتدلع نفسك فيها من مأكل ومشرب ومشاوير او رحلات ،،
سواء كان جوالك جالاكسي او اي فون او بلاك بيري لا تحاتي الخدمة متوفرة وباسعار تنافسية ما عليك الا تاخذ خط تايلندي من الشركة اللي تعجبك وتطلب خدمة النت وراح يفعلونها لك سواء بغيت بالايام او بالاسبوع او بالشهر .. وغير هذا اغلب الفنادق توفر واي فاي مجاني تقدر تشبك به بالفندق اذا كنت فيه ،،
والله بالنسبة للسكن انا عندي قاعدة وهي ان السكن فقط للراحة والنوم واغلب الوقت رحلات ومشاوير ف ليش اسكن في فندق خمس نجوم وغالي واساسا اقل وقتي بيكون فيه! يعني اسكن في فنادق او منتجعات متوسطة السعر من 3 او 4 نجوم ووفر مبلغ الفنادق الفاخرة واستغله في الوناسة والتسوق.
طبعا تقدر تزيد عن الاربعين يوم وتمدد ايامك في المناطق اللي ترتاح لها او تروح مناطق جديدة فتايلند بلد كبير ومدنها وجزرها كثيرة ،، لكن ما قلت لي انت من اي بلد ؟ لان مثلا بعض دول الخليج مثل البحرين والكويت وقطر والامارات وربما عمان لهم فيزا مجانية لمدة 30 يوم واي يوم اكثر تدفع غرامة لذا اذا سفرتك اكثر من 30 يوم خذ فيزا من السفارة التايلندية ببلدك ،، او تقدر قبل مضي اليوم الثلاثين لك بتايلند تطلع ماليزيا يوم او يومين وترجع تايلند بكذا تتجدد لك ال 30 يوم .
اخيرا بالنسبة للزواج ! طبعا تايلند فيها مسلمين وتقدر تتزوج من تايلندية مسلمة وبوكيت فيها نسبة مسلمين تشكل اكثر من نصف سكانها وبها مناطق مسلمة بالكامل ،، الله يبارك لك بالزواج من تايلندية مسلمة وحتى غير مسلمة وبإذن الله تكون هدايتها على يدك وتفكيرك سليم واحييك عليه اخترت الطريق الحلال بدل الطريق المشين الاخر واللي غارقين فيه اغلب شبابنا الله يستر عليهم ويهديهم للحق ،،

ولد_البحرين
أشكرك يالغالي لاحرمتكم
حقيقة أستفدت منك الكثير والمشرف العام والمنتدى بشكل عام
أنا من الرياض أيش شروط الفيزا لأنني حجزت بحمد الله
على الخطوط السرلنكيه
الذهاب أن شاء الله من 18 يناير
المبيت 3 ايام بكولمبو
والعودة 5 مارس
والمكوث بتايلند 44 يوم
يعجز لساني عن شكرك وأنتظر مزيدا من نصحك وأرشادك ..

ملاحظة مهمة أرجو الجواب عليها قبل الصباح لأنني سأذهب أن شاء الله أفيز واطلع تأشيره لمدة شهرين ماهو المطلوب وهل صحيح يشترط حجز فندق لأنني لم أحجز فندق بس عي التذكرة والجواز جديد والصور واين موقعه بالرياض واوقات دوامهم . ودمتم .

لا اعتقد ان يجب عليك حجز فندق اول مرة اسمع هذا الشرط !