1. 8- لازم تشتري عدة الشوي لان الشوي متعة بحد ذاتها على الطبيعة .


2. اي سوال انا حاضر ورهن الإشارة

السلام عليكم ورحمة الله وبركاته
أنا سافرت خلال الفترة من 3 مايو إلين 16 مايو وكانت رحلتي في الشمال التركي لمدة ثمانية ليالي في الشمال التركي ومن ثم خمسة ليالي في إسطنبول
لن أتكلم عن جدول الرحلة أو انزل صور لأن العمالقة قد كتبو تقارير وافية ومشينا على خطاهم لكن حبيت اوضح بعض النقاط وراح اذكرها بناء على رحلتي :
1- اذا كان حجزك عن طريق البوكينق فالأفضل التسديد عن طريق الفيزا لان لمى توصل ياخذو عليك مبالغ مالها مبرر واضح كلها اعذار واخذو علي مايقارب اربعين ريال
2- سكنت في طربزون ليلة واحدة وكان الفندق إسمه ديمير قراند و وكان سعره حوالي 280 ريال سعودي ولمى رحت اتمشى وسعرت الفنادق الي ماهي مسجلة في البوكينق لقيت احلى منه وانظف بحوالي 240 ريال فالشخص الي بيروح وقت ماهو موسم ومعاه سيارة ووصل الظهر ويبغى يسكن اكثر من ليلة بطربزون انصحه وبقوه ان يخلي السكن هو بنفسه يختار وبيلقى عدد شعر راسه .
3- الي بيسكن في اوزنجول فنصحية من قلب لا تحجز بوكينق لان فيه فندق اسمه دوقا هوتيل توه جديد وباقي يجهزو المطعم وانا اول من سكن في الغرفة كل شي جديد ونظيف وبين الفندق والبحيرة الشارع فقط انصح فيه وبقوه وخذيته عشان ماهو في البوكينق 250 ريال لليلة ووصف الفندق خلي المسجد والبحيرة على يمينك واتجه مئة متر تلقاه على يسارك وبنفس الوقت شيكت على فنادق في اوزنجول الي مثل الفندق مايقل عن 450 ريال
4- انا رحت ايدل وشفت فنادق هناك لكن للأسف مستغلين كل شي ولا تجي في حلاة بحية اوزنجول وهي يكفيها اربع ساعات اذا بتروح للحمامات التركية فما انصح بالسكن فيها ويكتفى بالزيارة
5- قبل ماتوصل ايدل بتلقى حقين التجديف ورحت سعرت ولقيت الأسعار تختلف من شخص لاخر وافضل سعر كان ب 60 يورو للشخص مسافة خمسة كيلو ووصفه وانت نازل من ايدل ثاني محل على يدك اليمين وانصح بتجربة هالرياضه وربي ما انسى انا وزوجتي حلاوة المغامرة ومافيها خوف بس كانت متعه متعه متعة وخلي معاك ملابس احتياط لأن ملابسك بتغرق واذا قال خل المفتاح حق السيارة معاي فاعطيه انا خليت المفتاح معاهم وكل اغراضي بالسيارة ولمى رجعت لقيت كل شي مكانه فانصح وبقوة تجربة هالرياضه ولا تخاف لان يركب معاكم واحد ويشرح لك كل شي ويجلس يجدف معاكم
6- الي بيروح سلطان فلايروح حيدر نبي نفس الطبيعة تقريبآ
7- الي يروح مايستاجر سيارة فانصحهه لا يروح لان نص المتعة تفوته واللوحات موضحه الطريق والتقارير هنا تسهل كل شي وانا رحت مامعي قارمن ولا جي بي اس بس احترت اشوي في موقع الفندق الي بطربزون

8- لازم تشتري عدة الشوي لان الشوي متعة بحد ذاتها على الطبيعة .

9- اما إسطنبول فالله يعيينكم على الشحاذين خصوصا الاخوان السوريين يلحقك مية متر ويتعلق برجولك وبعضهم اذا ماعطيته تكلم عليك وتلقى الشحاذين بالمطار الي يقول علي غرامة والي يقول انسرقت
0- انا لفيت معضم اسطنبول وفيه مكان للي يبي يشوف مكان كله اوربيين وكيف عايشين انا شخصيا ذكرتني بسفريتي للنمسا وانا تندمت اني ماعشت هناك صح انه يبعد حوالي 600 متر عن مترو سلطان احمد بس يستاهل العيش هناك ووصفه انك توقف في الساحة الي بين ايا صوفيا ومسجد الفاتح واتجه جهة البحر وراح تلقى نفسك داخل بين ذيك الاحياء .
11- بالنسبة للأفياش الكهرب فهي نفس حقت اوربا والشكل موجود في بعص توصيلات الكهربا الي تنباع بالسعودية وهو الثنائي الدائي خذ توصية واشحن جوالاتك وكميرتك وانص كل واحد ياخذ عزبة القهوة وفرن كهربائي احلى تمشيه والقهوه العربية معك على الحلا التركي

اي سوال انا حاضر ورهن الإشارة

ويااخوان تكفون تكفون الي بيروح لطربزون ابغاه يروح المصلى الي بالمطار حق الرحلات الداخلية وبيلقى عامل نظافة شايب ويوريك دورات المياه اعزكم الله حقت المصلى ويساعدك في الشناط الي بيروح هناك يقول له اخوي نسى جاكيت زوجته لونه اسود نسيته ب تاريخ 11مايو نسيته هناك وانا اصلي وانا شاريه لزوجتي بشهر العسل من المانيا تكفون اعطوه المبلغ الي يبغاه زخذوه من عنده وتواصلو معاي وابوس راسك واعطيك حق اتعابك تكفون
واي سؤال انا حاضر