حاضرين اخي جوجو لاتعصب عليناا
ارشح لك شقق فندقيه هي سويت ستي تقع بجاانب البرجين التوامين يعني تقدر ترووحله مشي وخلفه تقع حديقه البرجين حديقه جدا جميله وتبعد تقريبا خمس دقاايق بالتاكسي عن شارع العرب وهذه الشقق رخيصه مقاارنه مع الشقق الاخري وومتازه ونظيفه وتصلح للعائله حتي ان المغسله فيها يعني تقدر تغسلوون ملابسكم بالغسااله الموجوده بالدور الاول بس عليكم وضع قطعه معدنيه سعرها ثلااث رينجت تشترونها من الرسيبشن وتحطوونها بالغسااله وتغسل لكم تقريبا عشره كيلوو من الملابس
وسعرها تقريبا 280 ريال للشقه الوااحده انا توني سااكن فيها في رحلتي الماضيه والتي رجعت منها بتاريخ 31/7/2005
بس ماعتقد ان الشقه الوااحده تقدر تاخذكم كلكم يعني تقدروون تاخذوون شقتين بجنب بعض بيكوون افضل

فيه عندك تايم سكوير مجمع وفندق وشقق وفيه العاب ترفيهية داخل المجمع يعني قطار الموت يمر بين الادوار ومجمع تسويقي رائع وكبير ورخيص وقريب من شارع العرب تروح مشي واسعاره معقوله ..

شكرا لكم ا وماقصرتوا
الاخ ضاري اشلون سويت الحجز؟ عن طريق الانترنت او مكاتب السياحه
وانتظر البقيه

جوجو انا سويت الحجز من مكتب سيااحي بالكويت
وداامك تبي شقق حلووه ونظيفه ورخيصه ومنااسبه للعائله فسويت ستي هي الافضل لكم وسعر الشقه تقريبا 300 رياال وفيها مزايا جدا حلوه تصدق حتي قدر الكاتم فيها يعنيتقدروون تسوون كبسه ياسلام وانا توني ساكن فيها برحلتي المااضيه
ومع احتراامي للاخ ابو رياان فالشقق اللي ببرجايا تاايم سكوير حلووه وفخمه وممتازه وانا سكنت فيها بس غاليه يعني اليووم اللي بتسكنه في هذا الفندق عن يومين في السويت ستي وسعر الشقه الوااحده تقريبا 600 رياال فبرائيي لاتناسب العائله المكوونه من 15 شخص لانها مكلفه جدا عليهم وخااصه اذا خذوو شقتين فيها
ونصيحه لك اخي جوجو اذا لقيت حجز فيها اخذ لاتطووفه لان عليها زحمه شديده بالحجز وانا افتريت علي اكثر من مكتب بالكوويت فقالو لي لايووجد حجز كل الشقق ملياانه بس لقيت مكتب قاال انا ادبر لك حجز عليها ولكن لاحظت انه اغلي من المكااتب الاخري بحبتين فقلت مااعليه المهم احجزلي

اخ ضاري ...
الله لايهينك وش الافضل بالنسبة لعايلة صغيرة انا والمدام وبزرين؟
نسكن فندق والا تنصحنا بشق سويت ستي

اخوي الظفيري هلا وغلا فيك
اذا كاان بزراانك صغار مافيه مشكله تاخذ غرفه وااحده في فندق اعتقد اخي الكريم غرفه وااحده تكفيكم احسن من انك تكلف نفسك وتااخذ غرفتين في فندق
وشقق سويت ستي بصراحه شقق حلووه ومنااسبه للعائله حتي ان سعرهاا يسااوي سعر غرفه واحده في فندق
وانا في نظري اخي الكريم انك تااخذ هذه الشقه احسن من الغرفه في الفندق تعرف ليش ؟
لان هذه الشقه تتكون من غرفتين نووم وصاله ومطبخ يعني اذا انت تبي تريح شوي وتناام يمكن عياالك يبوون يجلسوون مايبوون يناموون مثلا وقت الظهيره فاذا كنت في غرفه في فندق رااح يلجونك ويصجوونك يعني رااح يزعجوونك بس اذا كنت في شقه تقدر تخليهم يروحوون للصااله ويلعبوون علي كيفهم وانت مرتاح
طبعا هذه الشقه اللي ذكرتهاا انصحك تاخذها اذا كاان فترة جلووسك في كواللمبور طويله لانها رخيصه ومنااسبه
ولكن انصحك انك تااخذ شقه حلوه وممتاازه وهي شقق تاايم سكوير ممتاازه غرفتين نووم وصاله ايضا
وتحتك بيكوون تقريباا 8 ادواار كلها محلات تسوق والعااب يعني تنبسط العائله والصغاار ونظرا لان هذه الشقق غاليه افضل انك تاخذها اخر يومين او ثلااث لك في كواللمبور ( سعر الشقه 600 ريال تقريبا )
يعني بعطيك مثال بسيط لو انت تبي تسكن في كوااللمبور 7 اياام تااخذ في شقق سويت ستي 4 اياام وثلاث ايام الاخيره في برجايا تاايم سكوير

ماحصلت حجز على سويت ستي

جوجو اذا انت في الكويت بقولك علي مكتب سفريات يجيبلك سوويت ستي
سفريات الجارالله ومكاانه بجانب الدواار اللي دااخله المسجد اللي دااخل الديره
اسعااره اغلي من المكااتب الثاانيه بس انا مارووحله الا اذا كنت مزنوق
روح يمه وانشالله بتلااقي اوكي عنده الحجز ورووح لواحد هنااك اسمه عبدالله جنسيته هندي بس رااح يضبطك