jologs
31-08-2022 - 04:13 pm
كيف حال الشباب في المنتدى انشاالله رايقين ومجمعين فلوس السفريه الجايه
. طبعا ياشباب انا طفشت من هالمكاتب السياحيه ماغير يدونا اسعار نار الواحد يبغاله يقسط ونيت حتى يستاجر فندق ( خصوصا فندق شانقريلا ) المهم اني قلت ياولد مدام عندك انترنت جرب سوي حجز الفنادق من النت يمكن فيه فرق واجيب بطاقة الفيزا واسوي الحجز على فندق سمرسيت سالسيدو واكتشف فرق السعر . الخبله هذي اللي في الفلبين نسيت اسمها جابتلي الحجز ب 120 دولار الليله , لما حجزت من النت طلع لي السعر 99 دولار بس . قلت ياولد فندق سمرسيت ماقصرو معاك عطوك اسعار كويسه خليني اسجل عضويه في موقعهم ( التسجيل مجانا) ولما سجلت وادخل باليوزر والباسوورد واروح ابي اشيك على الحجز من جديد واحصل المفاجاه , بعد العضويه صار السعر من 99 دولار الى 88 دولار بس ( حجزت شقه اكزيكيوتف ) يعني شوفو الفرق كيف من 120 دولار الى 88 دولار ؟ طبعا شالو حاجات من التسعيره ( الفطور والخرابيط الثانيه ) , طالما فيه مطبخ في الشقه ماعليك من زين فطورهم , طيب نجي الان الى بطاقة الفيزا , بعض الناس يخاف يستخدم بطاقة الفيزا في الانترنت , مو مشكله اغلب البنوك تقدم فيزا خاصه للانترنت حدها 2000 ريال تقدر تطلبها من البنك وااحجز او اشتري اللي تبغاه من النت ( لازم يكون عندك فيزا اساسيه الاول حتى تطلب فيزا انترنت ) اذا البنك اللي عليه حسابك ماعنده فيزا انترنت فيه حل ثاني , اطلب فيزا اضافيه ( ميني فيزا ) وخلي حدها الائتماني 2000 ريال وكذا اتحلت المشكله
وقل وداعا لمكاتب الحجز وللخبله البقوسه اللي تسوي الحجوزات في مانيلا
